ORANJESTAD (AAN): Pa como 12 ora y mey, e atleta David Polanco tabata riba pia, coriendo rond di e isla. El a cuminza Diasabra saliendo di Linear Park, y a core 100 kilometer. Esaki cu e meta pa recauda fondo pa un bon causa, pa yuda esnan den necesidad.
El a logra e hazaña aki, danki na e sosten di varios coredor mas cu a acompañe! David Polanco a core 2 biaha rond di Aruba, demostrando su cumplimento pa e bon causa. El a confronta un tiki dificultad na di 57 kilometer, ora su pia a cuminza haya calamber.
Su personal di sosten a dune empuhe pa e no a rindi, y a sigui. El a bay guera pa asina cumpli cu su meta.
Diadomingo mainta el a yega final na Linear Park bek, na un forma hopi emocional. Su famia tabata yora di alegria, y tur hende presente tabatin lagrima na wowo.
Un felicitacion na David Polanco cu e logro aki. E potret y relato aki pa cortesia di 297Sports.
