Den e temporada di fin di aña, masha hopi hende su atencion casi semper ta bay, ki dia ta cende e luznan di e cas di luz, situa na Weg Sero Preto.
E ambiente y tur e trabaonan bunita di decoracion di luznan di fin di aña, a pone cu e cas di luz aki, a bira e atencion ya caba di tur aña.
Durante tur e dianan cu e cas di luz tabata habri pa publico, ta masha hopi hende a bay bishita, saca potret, disfruta di un dushi ambiente na e cas di luz aki.
Masha hopi tour bus carga cu hende tabata bay na e sitio, pa asina un y tur por a goza di e buniteza grandi aki. Lamentablemente cu despues di a brinda e pueblo di Aruba, tur e posibilidad pa bay bishita e cas di luz na Weg Sero Preto, a yega e momento pa termina cu loke ta su temporada y pa e motibo, ariba e ultimo anochi di e ambiente di cas di luz pa e temporada aki, esnan encarga cu e obra bunita aki, a prepara un anochi di clausura di kita sombre.
Tabata un banda cu a toca musica bailable pa tur esnan presente. Tabata tin dushi cushina y bar bon prepara y na final, a tuma lugar un show di vuurwerk na ordo di dia. Tur esnan cu a perde e oportunidad aki, mester warda henter un aña atrobe, pa asina otro aña busca tur forma posible, pa no perde esaki.
Un palabra di hopi pabien na un y tur cu a sa di haci e cas di luz aki, uno super special y bunita.
