ORANJESTAD (AAN): E instancia local di CEDE Aruba ta reconose boluntarionan na Aruba.
Risa ta traha como boluntario na Fundacion Centro Famia Piedra Plat. E tin 10 aña ta traha boluntario cu Club Oansa como lider di Ositos y awor Puggles. Tambe Risa ta trahando pa e mesun Fundacion como un boluntario cu hoben na “Centro Educacion Creativo” (CEC) den mediatheek yudando hobennan cu nan huiswerknan y proyectnan di school.
En total Risa ta dedica 6 ora pa siman na trabao boluntario durante full e aña escolar. Fasil e no ta pa dedica 3 dia pa siman na esakinan, pero Risa ta haci’e cu alegria y dedicacion paso unda cu tin mucha of hoben eynan Risa ta pa yuda, mesun cos e ta haci den su trabao particular como maestra di school preparatorio.
Un danki ta bay na CEDE Aruba pa e iniciativa aki di apoya e trabaonan di boluntarismo na Aruba.
