A gara sospechosonan di ladronicia durante listramento preventivo

ORANJESTAD    (AAN): Algo prome cu 5’or di atardi polis a detene dos hoben na altura di Adriaan Lacle Boulevard, cual un di nan ta un menor di edad.

Durante listramento preventivo polis a haya  un Toyota Yaris A-41688 cual tabata tin algun hoben y menornan den e auto.

Autoridad a reconoce un di e hobennan cu ta un sospechoso den un caso di ladronicia, tambe a ser encontra cu droga den e auto.

Ta di conocimento tambe cu esaki no ta e prome biaha cu e ta keda deteni.

Den auto special di CEA a haci e transportacion di e sospechoso.