ORANJESTAD (AAN): Diahuebs den Alhambra Ballroom a tuma lugar e asina yama ‘Mosquito-controlled Resort ceremony’, unda cu Directie Volksgezondheid (DVG) a duna reconocimento na e hotelnan, e resorts y apartamentonan, pa e hecho cu Gele Koorts Muskiet Bestrijding (GKMB) na 2017 no a constata criadero di sangura cerca nan.
Jurette Croes, Consehero di Comunicacion di DVG, a splica cu esaki ta di 4 aña cu ta duna certificado na e diferente lugarnan cu a cumpli cu e exigencianan di GKMB.
Un total di 32 hotel y lugar a ricibi nan certificado y esaki ta representa casi 50% di e tipo di lugarnan aki na Aruba.
E lugarnan cu a haya e reconocimento ta Caribbean Palm Village Resort, Amsterdam Manor Beach Resort, Paradise Beach Villas, La Quinta Beach Resort, Costa Linda Beach Resort, Bucuti & Tara Beach Resort, Casa del Mar Beach Resort, Divi Aruba All Inclusive Resort, Renaissance Resort & Casino, Talk of the Town & Beach Club, Aruba Surfside Marina, Oasis Aruba Ocean Front, Marriott Aruba Beach Resort & Stelaris Casino, Marriott Aruba Ocean Club, Marriott Aruba Surf Club, Brickell Bay Beach Club & Spa, Barcelo Hotel, Hilton Aruba Caribbean Resort & Casino, Hotel Riu Palace Antillas, Hotel Riu Palace Aruba, Divi Aruba Phoenix Beach Resort, Sea Breeze Ocean, Vistalmar Apartments, Quality Apartments & Suites, Del Rey Apartments, Arubiana Inn, Sasaki Apartments, Aruba Beach Villas, Turibana, Coconut Inn y Sea Breeze Town.
En total 3 biaha pa aña GKMB ta bishita e lugarnan y ora cu 3 biaha no constata ningun criadero, e lugar ta ricibi e reconocimento.
