ORANJESTAD(AAN)— Biblioteca Nacional Aruba a ricibi algun ehemplar di e publicacion mas recien di sr. Evert Bongers titula ‘De kolibrie op de rots’. E presentacion a tuma lugar siman pasa y dos colega di Dept. Arubiana tabata presente. Sra. Des Croes, hefe di Dept. Arubiana por a ricibi un ehemplar pa e coleccion nacional.
E buki ta un coleccion di diferente articulo interesante tocante historia di Aruba y di diferente monumento. Evert Bongers a yega di publica esakinan den su columna ‘Toen en nu’ di e corant local Amigoe di Aruba. Aki aya un poco revisa. Pa e columna aki el a skirbi como 100 storia caba. Pronto e buki aki lo ta obtenibel tambe na oficina di Monumentenfonds (SMFA). Awe Evert Bongers a bishita biblioteca pa entrega mas ehemplar. Pronto lo tin mas den circulacion pa fia.
Evert Bongers ta autor di e material cu por haya riba e website www.historiadiaruba.aw y e publicacion ‘Augustus scur’. Evert Bongers a duna les hopi aña na Colegio Arubano como docente Frances.
