Home Social Haya sa di e señalnan di alerta pa bo yiu no bira...

Haya sa di e señalnan di alerta pa bo yiu no bira victima di Pedofil

197
0
SHARE
- Advertisement -

Fabuloso workshop di Pedofilia

ORANJESTAD (AAN): Keto bay DIARIO ta sigui haya reaccion riba e noticia di Dialuna, cu a revela cu 3 di cada 5 mucha na Aruba ta worde abusa sexualmente.

Ademas ta sigui haya bon comentario cu e grupo di alumno di Colegio EPI seccion Welzijnzorg a haci esaki den forma di un workshop na sede di Fundacion Respetami.

E grupo di alumno a consisti di Ximena de Abreu Brazao, Charlotte Croes, Amber Bisslik, Samantha Hernandez, Maria Camila Riaño-Q, y Elizabeth Avendaño y tur informacion obteni a worde haya door di diferente instancia local, entre otro Fundacion Respetami, Jeugd- en Zeden Politie, y Bureau Sostenemi.

E anochi aki, mayornan a siña con pa reconoce y ta alerto riba cualkier situacion sospechoso den cual nan yiu ta pasando aden.

Algo cu a hala atencion, ta cu pueblo tin di siña e nificacion di e dos termino di “Pedofili y Pedosexual”, y den edicion di Dialuna y Diamars cu a pasa ya caba DIARIO a amplia riba esey, esta con pa reconoce un pedofil y/of pedosexual:

Tur mayor kier protehe nan yiu di cualkier abusador sexual, pero con pa mantene nan safe?  E bon idea ta pa bo keda alerta!

Awe den e ultimo Parti 3, bo por lesa encuanto e importancia di acerca bo yiu!

Hopi mayor ta sinti nan mes frustra solamente di pensa cu un persona por

causa algun daño emocional y/of fisico na su yiu of yiunan.  Esaki ta trece como

resultado cu hopi mayor ta dicidi di no papia cu su yiunan di cierto topiconan manera abuso sexual.

Claro, abo como mayor tin di tene na cuenta e edad di bo yiu, dependiendo di esaki, abo como mester usa un lenguahe adecua unda cu e mucha por compronde.

Un di e puntonan cu sigur ta hopi importante ta e lazo di confianza cu bo por cera y mantene cu bo yiu.  Na e momento cu bo tin e confianza di bo yiu, hopi topico por worde papia sin ningun problema.

Den e parti di e tipnan por menciona cu ta importante pa abo como mayor, siña bo yiu “kico por” y “kico no por”.  Y un punto hopi importante, ta pa abo como mayor papia cu bo yiu tocante e partinan priva na un edad trempan, siña nan e balor y e confianza cu nan por tin cubo pa contabo si nan no ta sinti nan mes confortable.

Señalnan di alerta:

Hopi biaha, sa sosode cu un mayor ta ignora cierto señalnan cu su yiu por dune, pensando cu simplemente ta un rebeldia, pero ta importante pa ta alerta y semper busca e motibo pa cierto cambionan cu por dunabo e prome señal cu bo yiu a worde agredi fisicamente y/of emocionalemente.

(*) Bo yiu(nan) ta isola nan mes, no kier hunga ni comparti cu cierto persona, esaki por encera famia, amigonan, of nan mesun creche of scol.

(*) Paga tino y busca pa sa e motibo di e comportacon aki.

(*) Actitud agresivo riba cierto hendenan di sea sexo femenino of masculino, tuma tempo pa haci pregunta na yiu over di su comportamiento.

(*) Bo yiu ta expresa lenguahe sexual no adecua pa su edad.

(*) Cambio repentino den su alimentacion.

(*) Diripiente e ta yega cas cu placa of regalonan.

Tene na cuenta cu e señalnan por ta diferente pa cada mucha y cu pa e motibo aki ta importante pa tin un bon comunicacion cu bo yiu.

Riba e potret por mira mayornan ta deliberando na final di e workshop cu alumnonan di Colegio EPI.

 

- Advertisement -

DUNA COMENTARIO

Please enter your comment!
Please enter your name here