ORANJESTAD (AAN):— Den careda di Shet’or anochi, durante cu un patruya di polis tabata riba caminda na altura d i” Do It Center”, nan a para un Chevrolet color blanco modelo Sprak pa controla .
A resulta cu tanto e chofer y e ocupante no tabata den posesion di permiso di estadia valido.
Ambos persona boluntariamente a wordo transporta pa warda na unda tanto e ocupante y chofer a wordo poni den man di “Guarda Nos Costa”.
Mientras tanto, tambe durante patruya, un agente a duna chofer di un vehiculo color shinishi, marca Toyota, modelo Tercel, e señal pa para. Durante control, a sali na claridad cu e chofer no por a mustra polis e documentonan exigi pa ley. Ademas e manehador di inicial R. no tabatin tampoco den su posesion un identificacion..
Pero durante control ademas a resulta cu R. tampoco tin permiso valido pa estadia.
No a keda e patruya nada otro cu transporta R. pa Strandpolitie, na unda patruya tabata spera riba yegada di “Guarda Nos Costa”.
