Home Deporte Aruba su seleccion di Artistic Swimming a logra varios medaya na Jamaica

Aruba su seleccion di Artistic Swimming a logra varios medaya na Jamaica

27
0
SHARE
- Advertisement -

ORANJESTAD(AAN) –  Siman pasa durante di e vacacion escolar, e team di Aruba den e deporte di artistic swimming a logra varios medaya di Oro na Jamaica. Den duet nos muchanan ta logra Plata pa medio di Mikayla Morales y Zahira Varis y Brons pa medio di Melanie Tromp y Sofia Cardona.

Den solo, Aruba ta gana Plata pa Mikayla Morales y Brons pa Sofia Cardona. Tambe den figures a logra Brons pa Mikayla mientras overall winner ta bira Mikayla Morales di Aruba!

Esaki sigur ta bisa hopi di e desaroyo den e deporte di artistic swiming cu na un edad hopi jong ya caba ta presta den bon forma den nos region. No por keda sin menciona e trabou duro di e staf di coachnan como tambe e sacrficio di e mayornan cu ta hiba nan yiu tur dia entrenamento tin biaha dos bes pa dia.

Mas cu claro mester elogia e directiva di Barracudas y AZB pa e trabounan desplega. E logro di nos muchanan ta papia pa su mes, nos a sobresali y un bes a keda proba cu Aruba ta keda un di e mihonan den Caribe den e deporte di Artistic Swimming.

Nos tin futuro den e deporte aki na Aruba y nos muchanan lo sigui traha mas duro ainda pa sobresali den e competencianan bishita.

Lotto cu fielmente ta duna sosten na nos atletanan lo sigui yuda engrandese e deporte local, a lo largo cada prestacion ta Aruba tur hende lo tende y mira.

 

 

 

- Advertisement -

DUNA COMENTARIO

Please enter your comment!
Please enter your name here