- Advertisement -
ORANJESTAD (AAN): Un chauffeur burachi den un Ford Everest A-57447 a core cu velocidad aceptable y tog a pega tras di Lexus A-23657. Esaki a pasa pasobra su reaccion no tabata 100% mirando cu e tabata bou di influencia. E homber burachi a purba di huy di biaha.
Den e intentonan pa huy hasta a zwaai boter di biña afo di bentana pero e manehador di e Lexus cu el a dal, a para su dilanti y no a lage bai.
Ora e homber burachi a ripara cu polis a yega, el a give up y paga auto. Di biaha polis a pone e homber na boei y yama dogcatcher y bay cune warda. Su intentonan di huy a fracasa. Segun informacion e persona den e Lexus ta un Polis.
- Advertisement -
