ORANJESTAD (AAN)—Na diferente ocasion, DIARIO semper atento pa e seguridad di nos hendenan, a yega di publica tocante e peliger di e situacion cu a wordo crea na un di e pier nan na Savaneta ta trece cune.
Aki un pida lugar a wordo basha abou y tur e asbesto cu tabata forma e dak di e lugar aki, a keda benta tur caminda, incluyendo den lama.
Esaki sigur a crea un peliger pa tur esnan cu ta bay haci uso di e lugar aki.
Riba e potret por mira con inocentemente un mucha homber chikito den compania di su famia a wordo hiba na e lama aki, pa disfruta di e dushi hobby di piscamento, pero kizas sin sa cu e lama aki por ta contamina cu e asbesto cu a wordo laga den e lama pa hopi tempo caba.
Ta di spera cu e instancia of departamento concerni, cuminsa na haci algo na e situacion peligroso aki.
