Home Remitido E seyo di Dios

E seyo di Dios

20
0
SHARE
- Advertisement -

Remitido

E profetanan di dios na mundo, ta poniendo e seyo di Dios riba frenta di esnan escohi, prome cu e purificacion di mundo sosode.

E mundo actual ta bay pasa den pruebanan hopi grandi, na unda cu desasternan y calamidadnan lo bay sosode p.e. temblornan, tsunaminan, inundacionnan, vulkaannan lo bay activa, lo no tin cuminda, lo tin violecianan y hopi mortonan, persiguicion di Iglesia y e tercer guerra mundial lo cuminsa, hunto cu e purificacion di mundo. Tur esakinan ta bay sosode y ta sosodiendo caba na diferente partinan di mundo segun e profecianan.

Dios tin Su profetanan na mundo, pa nan trece Dios Su mensahenan di advertencia, di spiertamento, di preparacion y tambe pa pone e seyo di Dios ariba frenta di esnan escohi. E seyo di Dios ta significa, cu e nomber di Dios Tata, di Dios Yiu y di Dios Spirito Santo ta worde poni ariba frenta.

E seyo ta un Crus briyante ariba frenta cu lo worde poni pa e profetanan spiritualmente cu nan man y nada lo no sosode na esnan cu tinele den e temponan dificil cu ta bini. Tambe na esnan cu tin e seyo di Dios ariba nan frenta, nan lo worde tuma den e rapto prome cu e purificacion di mundo, cu ta e tres dianan di scuridad. Un Obispo of un Pastoor di Iglesia no por pone e seyo di Dios ariba frenta di hende, ta solamente e profetanan cu Dios ta escohe, ta nan tin e mision di Dios pa haci esaki y ningun otro personanan no por haci esey.

Bijbel Apocalipsis 22: 6, Apostel Huan ta revela: “E ora ey mi a tende cu tabata bisa mi: E palabranan aki ta berdad y confiabel. Senjor Dios cu ta inspira e profetanan, a manda Su angel pa mustra Su sirbidornan loke mester sosode pronto.”

Bijbel Apocalipsis 7: 1-3, Apostel Huan ta revela: “Despues mi a mira cuatro angelnan para na e cuatro skinanan di mundo, nan tabata retene e cuatro bientonan pa no supla mas ariba tera, ni ariba lama y ni na e palonan. un otro angel a bini di pariba hibando e seyo di Dios bibo y a grita cu un bos poderoso na e cuatro angelnan cu ta autorisa pa haci daño na e tera y na lama: No haci daño na e tera, ni na lama, ni na e palonan, prome cu nos pone e seyo ariba  frenta di e sirbidornan di nos Dios.”

Bijbel Apocalipsis 9: 1-6, Apostel Huan ta revela: “Ora e di cinco angel a toka e trompet, mi a mira un strea cu for di cielo a cay ariba tera. A duna e strea e yabi di e pos di abismo. Ora a habri e pos aki, a sali un huma manera di un forno inmenso, cu a obscurce e solo y e aire. For di e huma aki a sali dalacochinan cu a plama ariba tera. Nan por causa e mesun daño cu un scorpion di tera. A ordenanan pa no haci dañonan na yerbanan di mondi, ni na matanan, ni na palonan, sino solamente na e hendenan cu no tin e seyo di Dios ariba nan frenta.” Esaki lo socede den e tres dianan di scuridad cu ta biniendo y no falta mucho mas. E angel lo baha for di cielo y lo e habri e pos di fierno y tur e demoñonan den tur sorto di formanan horibel lo sali y ataka na tur esnan cu no tin e seyo di Dios riba nan frenta.

E profecianan aki lo sosode hunto cu e tercel guerra mundial. Tur esnan cu tin e seyo di Dios ariba nan frenta, nan lo worde tuma den e rapto prome cu e tres dianan di oscuridad.

Bijbel Apocalipsis 14: 1-2, Apostel Huan ta revela: “Mi a mira E Lamchi para ariba sero di Sion, E tabata hunto cu e 144.000 mil hendenan cu tin Su nomber y e Nomber di Su Tata skirbi ariba nan frenta.” E 144.000 mil personanan aki, ta esnan di tur parti di mundo, cu a acepta e mensahenan di Cristo-Hesus y di Mama Maria den aparicionnan, nan cu a prepara nan mes spiritualmente y cu a acerca e profetanan (videntenan) pa nan por ricibi e seyo di Dios ariba nan frenta. Ta solamente e profetanan escohi pa Cristo-Hesus, anan so  por pone e seyo di Dios ariba frenta di esnan cu ta kere y ta acepta. Na tur esnan cu a ricibi e seyo di Dios ariba nan frenta, nan mester keda den un estado di gracia sin ningun pikanan grandi. Aki na Aruba tambe tin un profeta cu Cristo-Hesus a escohe pa henter Caribe na aña 1998 y su nomber ta, Senjora Valerie Perez (mihor conoci, Vidente Valerie).

Na tur esnan cu kier encontra cu Vidente Valerie, pa nan por ricibi e seyo di Dios ariba nan frenta, nan por acudi tur diasabra ariba e tereno di oracion na Koyari pa 8.00 di anochi, despues di e oracion di Santo Rosario Vidente Valerie ta atende tur hende. Tambe Vidente Valerie ta presente tur 25 di luna ariba e tereno na Koyari, pa 8.00 di anochi y despues di e aparicion di Mama Maria, Vidente Valerie ta disponibel pa atende tur hende cu kier ricibi e seyo di Dios. E adres di e tereno bendiciona na Koyari ta, Koyari 13-B. E ta keda, banda di Empresa  Italo Arubano bin ariba y e tereno ta keda na man drechi na unda cu tin un Kapel. Pa informacion por yama tel.: 587-0048 / 587-2956, Cel.: 593-1157 / 743-3168.

 

Un mensahero di Dios.

 

- Advertisement -

DUNA COMENTARIO

Please enter your comment!
Please enter your name here