Remitido:
Lesando tur e comentarionan den prensa local con e Gobierno y Ministernan anterior lo a actua contra interés di Aruba , ciudadanonan ta puntra:
Ki dia ta entrega kehonan na ministerio publico si a actua contra ley ; tanten cu no entrega kehonan pueblo lo mester conclui cu ningún actuación no ta/tabata contra ley?
Si e actual Gobierno y Ministernan ta di opinión cu e actuacionnan di e Gobierno y Ministernan anterior no ta según principionan di Bon Gobernacion , e Gobierno y e Ministernan actual ya tin cambionan di ley prepara pa preveni den futuro actuación contra e principionan di Bon Gobernacion?
Cu tanto kehonan riba e cantidad di debenan/obligacionnan cu e Gobierno anterior a laga Aruba aden , pakico e Gobierno actual no ta bin cu un Task Force pa bay renegocia tur e contratonan na desbentaha di Aruba pa logra baha debenan di Aruba?
Ta sigur cu e contra-partidonan di Gobierno lo coopera pa cambia contratonan fuera di normal pa nan no bin riba Black List di Gobierno pa projectonan den futuro. Den pasado un Gobierno no a bay renegocia caba contratonan fuera di normal?
