Home Deporte SPEED World cu Hubert Furai Tiel

SPEED World cu Hubert Furai Tiel

33
0
SHARE
- Advertisement -

Amigonan amantenan di e fabuloso mundo di motorsport, un cordial bon bini un biaha mas na boso pagina di tur siman, tanten cu papa Dios ta permiti nos esey. E siman aki Sw ta bay ta breve, ya cu no solamente nos tin un par di dia di vakantie, pero tambe cu SW ta bezig cu un combersacion importante pa loke por bay bira e resultado tan spera cu e auto di SW por keda cla pa subi pista as soon possible.

Pero dor cu ya constantemente nos ta haya diferente di nos amigonan ta yama puntra kico tin pa e siman aki, nos di SW a dicidi tog pa core hinca algo den otro pa complace nos amigonan. Siman pasa SW tabata presente na e loading di e vehiculonan cu lo ta bay defende e bunita bandera di Aruba, aya na hermana Isla di Curacao durante di e caredanan di Curacao Drag Fest 2018.

Ta di lamenta si cu e interes tabata grandi pa bay e careda aki, pero hopi a opta pa keda Aruba pa core e evento di Palo Marga cu ta celebra su di 35 aniversario. Pakico nos ta bisa cu ta un lastima? Wel pasobra prome cu a aña a bolter, promotor di drag na Curaçao a puntra si Aruba ta bay haci algo pa cu e careda di aña di La Reina, manera cu nos ta custumbra pa yame, aunke el a bira aña di Rey.

Como contesta e bin afo cu no lo haci nada, ya cu ta falta di money. Ta pesey Curacao a dicidi pa haci su careda. E intencion tabata cu si Aruba lo no ta organiza e careda, anto Curacao lo a bini abou den masa pa e careda di One Cool Summer 2018, y asina haya un masa grandi bay pa e careda di April na Curacao.

Despues a bin resulta cu tog Aruba ta logra di organiza un careda y esey a pone cu e grupo cu ta bay Curacao no ta hopi grandi. Anyhow, esnan cu a bay, nos ta sigur cu lo bataya manera Indianan guerero pa asina saca cara di nos bunita bandera di Aruba. SW ta desea tur hopi exito y na esnan cu ta bay core e careda di 35 aña di Palo Marga, tambe hopi exito.

Den e potretnan cu tin awe, nos por wak e famoso Camaro Bad Banana. Esaki ta e auto cu a logra di boltia tur e storia pa loke ta drag racing entre Aruba y Corsow y for di akinan, tur e storia a bira cu nos mester traha cu experencia di esnan di afo pa por logra logronan grandi.

Bad Banana, cu tabata wordo maneha prome pa Chico Croeze y despues pa Maikito Croes, cu un team dinamico su tras, a sa di planta respet y manera cu ya nos a menciona, a cambia e storia di drag entre e dos islanan aki.

Awendia nos ta haya hopi technologia nobo, pero mester corda unda tur e cos aki a cuminsa. SW tin asina hopi gana di sigui conta mas storia. Anyway, te cu otro siman amigonan, claro cu si Todopoderoso permiti nos esey.

- Advertisement -

DUNA COMENTARIO

Please enter your comment!
Please enter your name here