Astrid Britten, directora
ORANJESTAD (AAN): Kisas hopi hende no ta mira importancia di un biblioteca. Segun directora di Biblioteca Nacional, Astrid Britten, mester por mira e desaroyonan nobo cu tin. Mester por mira e otro oportunidadnan tambe. Contenido naturalmente lo bira diferente. Den luna di April, Britten tabata na Santiago, Chile, pa participa na un sesion di brainstorming, hunto cu e grupo di Latin American & the Caribbean, pa loke ta trata un vision global pa bibliotecanan.
Pa tabata parti di esaki, ta contento cu por a contribui tambe den e sesionnan durante di dos dia pa por bin cu ideanan tambe, kico bibliotecanan lo mester por haci mas y kisas loke nan tin cu haci menos den cierto cosnan.
Desaroyonan no ta para keto, vooral den e parti di innovacion y sostenibilidad, mas y mas ta tuma un rol mas prominente pa loke ta trata trabaonan di bibliotheek. Ta mira cu kisas prestamento di buki ta bira menos, pero uzo di edificio y di e facilidadnan tecnologico ta bira hopi mas. Mester por duna tambe un oportunidad na esaki. Y tambe mirando desaroyonan nobo, locual cu ta yama tambe 21st century skills, unda cu ta importante pa e muchanan tin e habito y pa nan por adkiri esaki tambe.
Tin oportunidadnan tambe pa bibliotecanan hunga un rol hopi importante den esaki. Scol ta e parti formal, pero biblioteca ta e parti informal. Por bin y haci uzo di dje, pasobra no por imagina nos mes un comunidad sin un biblioteca, unda cu e curason di bo comunidad, trahando diferente grupo cu tin. Eynan ta pone enfasis tambe riba dje.
Britten a menciona cu si mira den un ciclo, ta mira cu hopi biaha e hobennan, esta e jeugdgroep, ta e bishitantenan mas grandi di biblioteca. Vooral ora nan ta prepara nan tareanan cu nan tin cu haci. Nan ta haci un uzo hopi grandi di biblioteca. Merdia di actividad, festival di buki pa mucha. Nan ta hopi entusiasma y ta bin masha hopi mes biblioteca.
Mayornan ta mira e interes tambe. Por mira esnan cu ta bay scolnan secundario, sea ta EPB, MAVO, HAVO, VWO. Eseynan ta bin tambe frecuente, pasobra nan tin cu haci uzo di e bukinan cu mester lesa, vooral dos idioma, loke ta Hulandes y Ingles, ta obligatorio. Tin di nan tin opcional Spaño of Frances.
Por mira cu e grupo aki, despues cu hopi di nan cu ta bay studia of nan ta bay den e sector laboral, ta bin manera un gap eynan. Despues por mira e hendenan aki cu casa haya yiu, atrobe ta haya caminda bek pa biblioteca. E ta varia, den e parti eynan pa loke ta trata e uzo di prestamento di buki.
E parti fisico di e buki. Mester sa cu tin e parti digital, cu mas y mas ta wordo hopi uza di dje. Pesey tambe biblioteca tin su Free Wifi, tanto den George Madurostraat, Bachstraat y tambe lo bay tin esey na San Nicolas, den Peter Stuyvensandstraat pa mas y mas uzo. Si bo no haya un computer, bo por bin cu bo propio ekipo, pa bo por haya e informacion cu ta necesario.
