Home Deporte Ilya Stetsenko lo representa Aruba na Campeonato Continental Absoluto de las Americas

Ilya Stetsenko lo representa Aruba na Campeonato Continental Absoluto de las Americas

51
0
SHARE
- Advertisement -

ORANJESTAD (AAN) – Federacion di ahedres di Aruba, ta manda su hungador hoben Ilya Stetsenko pa e Campeonato Continental Absoluto de las Americas cu e anja aki lo tuma lugar na Montevideo, Uruguay.

Apertura di e Campeonato aki lo ta diahuebs dia 31 di Mei. E promer rond lo start diabierne dia 1 di Juni. E ultimo rond lo wordo hunga dia 10 di Juni.

Aruba a haja di e presidente di e continente Las Americas su wild card pa manda un representante di Aruba na e evenemento aki. Banda di esaki, Comision di Subsidio ta subsidia partialmente e ticket di Ilya pa bay Uruguay. Na Uruguay tur gasto di Ilya lo ta cubri.

E mihor hungadornan di e continente Las Americas lo ta representa na e Campeonato aki.

E Continental normalmente ta wordo bishita door di centenares di hungadornan di tur nivel. Te cu na e momento aki, ya tin 120 participante inscirbi kaba na e campeonato aki.

E mihor GranMaestronan di nos continente te cu e afficionadonan amateur tur ta representa na e Campeonato Continental aki.

E promer 4 hungador cu termina mas halto lo clasifica pa e Copa Mundial FIDE cu ta parti di  cyclo di Campeonato Mundial.

Un total di 11 rond lo wordo hunga. Cada hungador ta haja 90 minuut pa e promer 40 zetnan y despues cada uno ta haja 30 minuut extra pa termina nan partido. Lo tin un incremento di 30 seconde despues di cada zet cuminzando cu e promer zet.

Lo tin premio efectivo pa e promer 14 lugarnan.

Nos ta desea Ilya Stetsenko tur clase di exito na e Campeonato aki y ta spera cu e lo haja hopi experiencia hungando di e mihornann di nos continente.

- Advertisement -

DUNA COMENTARIO

Please enter your comment!
Please enter your name here