Home Social Mamanan a wordo celebra na La Cabana Beach Resort & Casino

Mamanan a wordo celebra na La Cabana Beach Resort & Casino

27
0
SHARE
- Advertisement -

ORANJESTAD(AAN) — E get-together tradicional como muestra di aprecio na honor di dia di mama tabatin un gran cantidad di musica, flor, snacks, bolo y cos di bebe na La Cabana Beach Resort & Casino. Chef Octavio a hasi e buffet mas special e aña aki y e la traha un bolo memorabel color cora y blanco pa e celebracion.

Tur e mamanan cu a reuni den e sala di conferencia a wordo mima di berdad, specialmente e Mama di Aña di La Cabana, Maisy, di e departamento di Housekeeping cu recientemente a wordo elegi, e la ricibi un bouquet  y un sjerp traha pa un reina, entre otro regalonan.

E fiesta tambe tabatin un rifa cu mas di 50 premio valioso y cadeaubonnan hopi util di supermarkets, gasoline stations, dinner, desayuno y tratamentonan di spa.

Gerente General Joe Najjar tabata presente pa honra e mamanan cu ta cuida nan famia y tambe e bishitantenan cu e mesun pasion y dedicacion. E la gradici nan pa nan trabaonan incansabel cu nan ta haci cu amor y e la desea nan salud y felicidad den e proximo aña.

Riba potret por aprecia un tiki mas di e fiesta tan disfruta.

 

- Advertisement -

DUNA COMENTARIO

Please enter your comment!
Please enter your name here