- Advertisement -
E medida di Gobierno pa obliga tur negoshi pa cera dia prome di Mei ta parce medidanan di Gobiernonan cu tendencia dictatorial.
Gobierno lo mester a declara prome di Mei un dia liber y laga pa doñonan di negoshi y trahadornan dicidi si nan ke habri of traha riba e dia ey.
Un poco mas libertad pa trahador y doño di trabao ta deseabel pa no cay den dictadura.
Segun mi Aruba tin mas no-trahador cu trahador , pues ta strobando e no- trahadornan den nan bida diario simplemente pa algo simbolico di socialismo/ comunismo.
Mester stop di forsa pueblo participa den eventonan general , no ta porta cua evento, pero laga na pueblo e libertad pa dicidi si e ke participa of no!
Remitente R.A.
- Advertisement -
