Home Remitido ARUBA CONTENTO CU CRALCHI Y SPIEL

ARUBA CONTENTO CU CRALCHI Y SPIEL

13
0
SHARE
- Advertisement -

Remitido:

Ora den e titulo ta skirbi ARUBA den practica mester lesa e POLITICONAN DI ARUBA.

Loke ke indica den e articulo aki ta e relación den Reino Hulandes di Aruba compara cu e situacion di e pais Hulanda den Reino Hulandes.  Segun historia, REINO HULANDES  na 2018 ya no a keda cu ningún territorio/pais como colonia sino solamente cu e teritorionan den Caribe , incluyendo Aruba, dunando nan e nomber ficticio di pais pa mundo kere cu ta paisnan cu ta para riba nan mesun pia. Realidad ta completamente otro, nan ta teritorionan domina y maneha pa e pais Hulanda den Reino Hulandes.

E pais Hulanda den Reino Hulandes ta representa den Reino Hulandes solamente un parti di e Reino Hulandes mientras Aruba y e otro teritorionan den Caribe ta representa e otro partinan di Reino Hulandes.  Den e famoso STATUUT e expertonan di e pais Hulanda a mara tur e teritorionan di Reino Hulandes  den Caribe na e pais Hulanda di tal manera cu en realidad e teritorionan ta colonia di Hulanda , maske e politiconan di Aruba no ke acepta, nan ta bibe si!

Atrobe ,después cu e teritorionan den Caribe aña den aña afor ta pidi, e pais Hulanda ta nenga e teritorionan den Caribe atrobe pa institui un instancia neutral e independiente pa resolve desacuerdonan entre e pais Hulanda y e otro teritorionan den Reino. Despues di cada reunion entre e representantenan di e Parlamentonan di Reino pueblo tin cu tende e mesun disco gasta cu Hulanda lo bin cu algo den futuro segun deseo di Hulanda y no segun deseo di tur e partinan di Reino Hulandes.

Awor kico ta e cralchi y spiel nan cu Hulanda a/ta parti cu e teritorionan ta tuma cu gusto y cu “smile”grandi riba cara?

1.Un “koninkrijks ministerraad” caminda e teritorionan ta representa den minoria pa un “gevolmachtigde minister” y e pais Hulanda ta representa como un mayoria pa su propio ministernan.

2.Un representante di un di e teritorionan di Caribe , como minoría, den e delegacion di Reino Hulandes na Nacionnan Uni y su organonan.

3.Un Minister President di un di e teritorionan den Caribe como hefe di delegacion ora di instalacion di un Presidente den Centro of Sur America.

4.Un representante, den minoría, di cada teritorio di Caribe den “Raad van State” Hulandes (of di Reino?).

5.Un Gobernador como Hefe di Gobierno di cada territorio den Caribe pero cu na mesun momento ta representa Reino Hulandes  cu poder grandi riba e teritorionan.

6.Un cadena di Husticia( huesnan y procuradornan) completo maneha pa e pais Hulanda den reino Hulandes.

7.Un IPKO,un reunión di algún representante di e Parlamentonan di Reino caminda ningun decision importante pa e pueblonan por wordo tuma.

Asina por sigui menciona e cralchi y spiel nan cu e pais Hulanda den Reino Hulandes  ta parti, manera den pasado, pa tene e pueblonan den Caribe contento y keto pa nan no busca pa para poco poco riba nan mesun pianan. Ni yuda Reino Hulandes no ke yudanan para riba nan mes pianan, pero ta mara nan si mas y mas na e pais Hulanda (mira loke ta pasando na Boneiro y Statia). Realidad y historia a/ta demostra cu Reino Hulandes ta “fout bezig” y a perde cu nan maneho colonial  casi tur nan teritorionan faltando ainda e teritorionan den Caribe.

Politiconan,  pueblo di Aruba lo haya e oportunidad pa medio di un referendum pa scoge si e ke bay para poco poco riba su mesun pia of si e ke wordo incorpora poco poco den e pais Hulanda?

Pakico Reino Hulandes no por y ke trata Aruba manera Reino Hulandes  ta trata e pais Hulanda den Reino Hulandes?

rsarends@hotmail.com

- Advertisement -

DUNA COMENTARIO

Please enter your comment!
Please enter your name here