1200 florin pa e cel
ORANJESTAD (AAN): Na warda di polis Shaba a presenta diamars e señora inicial R. y e ta declara riba “Facebook” riba e pagina di “Vraag en Aanbod” el a lesa cu e homber inicial “B” tin un Celular marca Apple modelo iPhone 8 Plus color preto pa bende.
Denunciante a manda mensahe pa e homber “B” riba “Facebook” pa bise cu e kier cumpra e Celular. Denunciante a topa e homber “ B” riba e mesun dia pa mas o menos 10:20 altura di Monserat Apartments.
Denunciante a describi e homber “B”, e ta un homber bruin scur y B. a yega cu un auto blanco RHD “Right Hand Drive”. Señora denunciante a bisa cu el a cumpra e telefoon mobil pa AWG 1200 di “B”. El a sigui declara cu despues el a bin haya sa cu e telefoon mobil ta “blokia”.
Na e momento el a trata di localiza e homber “B” pero e no por a localiza e “Facebook – Page” di “B” mas. Keho ta tuma y recherche a inicia pa busca datonan di “B” pa averigua un que otro.
