Home arte y espectaculo Diahuebs lo ta un dia historico cu develo di estatua di Lolita

Diahuebs lo ta un dia historico cu develo di estatua di Lolita

154
0
SHARE
- Advertisement -

Parlamentario Alan Howell

ORANJESTAD (AAN): Diahuebs benidero Aruba lo bay pasa pa historia na momento cu devela e estatua di Lolita na San Nicolas.

Parlamentario di POR, Alan Howell a expresa cu Lolita tabata un señora hopi keri pa masha hopi hende na Aruba, specialmente na San Nicolas. Un señora cu a traha duro bendiendo su cosnan dushi y su biyechi pa e por sobrevivi y cria su yiunan. Un mama balente, un señora cu ta un ehempel cu a demostra con un persona humilde a traha duro y hiba su famia dilanti.

Diahuebs awo gobierno ta bay reconoce Lolita, haciendo di esaki un momento historico pasobra esaki ta pa prome biaha den historia di nos isla cu un escultura ta worde traha pa reconoce un persona humilde, no un persona cu ta den politica of cu a traha himno of cu a hiba un lucha pa Pais Aruba. Ta reconoce no solamente un persona humilde, pero un hende muher cu a demostra cu a pesar cu e no tabatin educacion halto a sa di traha di mainta te anochi pa hiba su yiunan te caminda cu nan ta awe.

“Un pabien grandi na e pueblo di San Nicolas. San Nicolas ta hopi contento cu un reconocemento asina aki. E estatua ta bay ta pabou di postkantoor riba e plaza y lo ta great pa tur hende por ta presente ora honra un señora hopi keri y ta e manera cu nos tur lo por keda corde y e efecto cu e tabatin riba bida hopi di nos for di tempo cu nos tabata chikito y un ehempel pa hopi hende muher cu no tabatin un casa banda di nan”, Alan Howell a conclui.

- Advertisement -

DUNA COMENTARIO

Please enter your comment!
Please enter your name here