Home Comercio Evento di Business Plaza di Diasabra lo wordo transmiti en vivo

Evento di Business Plaza di Diasabra lo wordo transmiti en vivo

13
0
SHARE
- Advertisement -

ORANJESTAD (AAN): Camara di Comercio y Industria Aruba (KvK) kier extende un invitacion na tur esnan cu interes di cuminsa un negoshi pa bin na e evento Business Plaza – Get Started! E ta un oportunidad unico pa haya varios informacion al caso ora cu bo tin e ambicion di cuminsa un negoshi of ta den e proceso aki caba. Business Plaza – Get Started lo tuma luga diasabra 30 juni proximo na KvK cuminsando for di 9’or di mainta te cu 2’or di atardi.

   E evento aki ta posibel danki na Digicel como sponsor principal. E edicion aki lo worde transmiti en bibo danki na IshMedia Studios cu ta haci esaki posibel.

Si bo ambicion ta pa bira un empresario, e ora Business Plaza ta e oportunidad pa bo por ricibi tur informacion pa asina ‘Get Started’. Via e evento aki KvK ta yuda haci bo idea un realidad y brinda e guia necesario pa por cuminsa y maneha bo negoshi nobo. Durante e dia aki KvK ta ofrece e oportunidad pa bo registra bo negoshi y di e forma aki cana e caminda pa organiza bo negoshi. Pa por logra esaki, e ta importante pa trece tur documento corecto y completo.

Programa:

Registracion ta cuminsa ya pa 8:30 di mainta. Riba e dia aki KvK ta ofrece un programa yena cu presentacion y tambe algun workshop. Pa esaki nos ta encarecidamente pidi pa tene cuenta cu e programa stipula:

9:00 AM – Un palabra di bon bini duna door di e presidente di KvK, sr. Ernst Mohamed

9:10 AM – Sponsor principal Digicel Aruba lo duna un presentacion

9.40 AM – Sr. Frits Israel di Doc Opleiding lo elabora riba “The importance of good customer          service and sales skils”

10:05 AM – Sr. Oliver Vieira di Qredits lo conta encuanto posibilidadnan di financiamento

10:25 AM – Señora Sue-Ellen Farro-de Freitas Sousa lo duna un presentacion over “Business          Information and Support”

10:40 AM – Señora Naline Heilbron lo conta di su experiencia cu e companianan Ha’Bon y Pica    Pica

11:30 AM – Señora Michelle Wever y Sr. Daniel Rasmijn di HBN Law lo duna un presentacion      encuanto “Employment agreements, do’s and don’ts”

12:00 PM – Señora Marilyn Wout di Departamento di Aduana duna splicacion encuanto procedimentonan di Aduana y algun tips.

Workshops:

Durante e edicion aki lo duna dos workshop ambos di 1:00 PM pa 2:00 PM:

Sr. Diederik Kemmerling di The Lab lo ta den e Auditorium pa duna un workshop encuanto “Social media tactics for small & local businesses”

Señora Henna Thode di HFT Treasury & Accounting Services N.V. lo duna un workshop encuanto “Financial & administrative guidance”.

Fuera di esey lo tin e oportunidad pa haya varios consulta:

12:00 PM – 1:00 PM: Señora Sonja Velthuizen, Directora di KvK y sr. Dave Martinus di ActionCoach lo ta disponibel pa duna informacion y registracion encuanto e programa nobo pa e curso Empresario Independiente.

10:00 AM – 1:30 PM: Conseheronan di KvK ta disponibel pa registracion y consulta         personal.

11:00 AM – 1:00 PM: Departamento di Asunto Economico ta disponibel pa informacion encuanto permisonan.

Networking:

Durante e pausa di 11:10 AM pa 11:30 AM y tambe di 12:30 PM pa 1:00 PM tin e oportunidad pa encontra cu otro empresario y comerciantenan presente pa por cera lasonan comercial amistoso. KvK ta ofrece snacks y bebida gratis durante henter e evento.

No keda sin atende e evento gratis aki cu ta un bon oportunidad pa siña y haya mas informacion con pa start bo negoshi. Asina bo por realisa bo soño di tin bo propio negoshi.

Registracion ta obligatorio pa tur presentacion y workshop. E registracion ta bayendo liher y e sala ta yenando pa e evento. Nan kier recorda esnan cu a registra pa yega trempan pa haya un bon lugar den sala.

- Advertisement -

DUNA COMENTARIO

Please enter your comment!
Please enter your name here