Home Cultura Exposicion di Arte Miriam de L’isle na Cas di Cultura, cu recaudacion...

Exposicion di Arte Miriam de L’isle na Cas di Cultura, cu recaudacion caritativo

77
0
SHARE
- Advertisement -

Admira obra di e maestra Miriam, Damilice, Joselin, Blanca, Magda y Tita- entrada gratis

ORANJESTAD  (AAN):  Dia 9 y 10 di juni 2018 pa prome biaha cuatro amiga, prima y ruman uni pa e amor pa arte y un solo juffrouw di arte, ta bay tene nan prome exposicion caritativo di nan obranan di arte como principiante y estudiante di nan Juffrouw di arte Sra. Miriam de L’ isle

Dos aña pasa e grupo di adulto aki a cuminsa tuma les priva for di Juffrouw Miriam de L’ isle tur diahuebs na unda nan a siña technique di pinta cu azeta y acrylic on canvas. Nan temanan lo ta  Divi Divi Tree, Mother & Child, Still Life, Virgin Mary, Selfportrait, Mandala, Bouquet di Flor y Abstract.

No perde e oportunidad pa admira  90 obra di arte di Blanca Mansur-Croes, Magda Mansur-Croes, Damilice Mansur, Joselin Croes, Maria Theresita Barroso y nan Juffrouw Miriam de L’ isle.   Hunto cu nan como invitado especial e hoben Maria Theresita Barroso cu tambe a haya les di arte di mesun juffrouw lo expone su obranan.

Reserva bo fecha, dianan 9 y 10 di Juni entre 6 pm te 9 pm na Cas di Cultura.   E lo ta un explosion di color, imaginacion y  creatividad. E entrada ta gratis y e obranan tur ta na benta. Parti di e benta lo bay pa Fundacion Crea Arte Aruba pa asina e por cumpra un forno di klei pa e lesnan di arte di varios hoben.

 

- Advertisement -

DUNA COMENTARIO

Please enter your comment!
Please enter your name here