Home Comentario Laga Cuba na Cuba, arubianonan no kier nada cu ta bin for...

Laga Cuba na Cuba, arubianonan no kier nada cu ta bin for di comunismo

680
0
SHARE
- Advertisement -

Opinion Publico

ORANJESTAD   (AAN):    DIARIO a haya varios reaccion relaciona cu e articulo di Parlamentario Andy Croes unda e ta elogia e medicina di Cuba, mencionando cu esaki ta uno hopi avanza y cu Aruba por siña di dje.

Na nos mesa di redaccion a drenta varios comentario di personanan cu a indica cu lo ta mihor pa Aruba keda leu di Cuba.  No kier pa e mentalidad comunista drenta Aruba pa acapara henter nos isla cu nan ideologia.

Tin varios ehemplo cu a wordo menciona y esey ta e caso di Venezuela. Na e pais bisiña aki nan tin militarnan cubano, docternan cubano entre otro y wak con e pais aki a para.

E sistema di salud cubano, famoso rond mundo, ta aporta sumanan grandi di placa na e gobernantenan, mientras cu pa e pueblo no tin doctornan, ni remedi ni atencion medico efectivo y humano.

E meta di e gobierno cubano no ta brinda un servicio di calidad na e pueblo, sino huur e studiantenan di medicina y e doctornan como mercancia y keda cu casi e totalidad di e suma di huur aki.

Tur cos ta mustra cu e propaganda oficial ta gaba di e sistema medico cubano como si fuera ta un di e mihornan di mundo, mientras cu e degradacion, corupcion,  maltrato ta alcanza e mayoria.

Ta e pueblo cubano esun cu ta sufri tur dia cu e mal trato, ya cu e gobernantenan, nan famia tin acceso na e centronan di asistencia di mihor calidad, unda no falta nada y e trato ta otro, un lector a mustra.

Entre mas leu Aruba keda di Cuba mihor.  “Ta nan mester siña di nos democracia, di nos libertad y aki na Aruba tin masha bon medicina cu ta danki na nos yiunan di tera cu a studia duro na entre otro Costa Rica y na Hulanda”.

Aruba kier keda bao di Reino Hulandes y no ta desea pa comunismo haci entrada na nos isla, ta algun di e reaccion cu DIARIO a ricibi.

- Advertisement -

DUNA COMENTARIO

Please enter your comment!
Please enter your name here