Home arte y espectaculo Minister Chris Romero ta sostene completamente e proyecto Parke Marino

Minister Chris Romero ta sostene completamente e proyecto Parke Marino

40
0
SHARE
- Advertisement -

ORANJESTAD (AAN) – Minister di Transporte, Comunicacion y Sector Primario a contesta un pregunta den rueda di prensa, relaciona cu e Parke Marino cu ta un proyecto cu Minister di Infrastructura ta bezig cune, pa wordo ehecuta.

E dignatario a indica cu e tereno di pesca ta cay bao su cartera y sin duda e ta sostene un proyecto asina.

Como un persona cu ta dive, e mandatario sa con lama tabata prome y ta aworaki, y cuanto coral a muri pasobra nan no ta wordo respeta manera mester ta.

E mandatario a señala cu un parke marino no ta solamente pa bin cu proteccion, pero tambe pa planta coralnan artificial pasobra nan ta capta atencion di e piscanan y ta pone nan bin, y esey lo yuda e pesca.

Un parke marino ta un proyecto positivo, di cual Minister Oduber por splica mas pero den e parti cu ta bay trece bida bek den lama y proteha esaki, sigur e ta sostene.

E mandatario a agrega cu un bez cu cuminza organiza nos awa teritorial, unda cu kier pa coralnan bolbe florece, y trece piscanan bek, mester cuminza pa cera cierto areanan di lama, unda ningun hende mag bay.

Mester fiha un temporada di tres of seis luna pa cere completo. Asina Bonaire a haci. Den cierto camindanan nan ta planta coralnan y cera y ningun boto mag pasa eynan y no mag pisca.

Un bez esaki sosode por trece piscanan bek. Pero no ta solamente e parti seco pero e parti hundo tambe mester wordo proteha completamente. Ora e temporada pasa ta bolbe habrie y cera otro area y asina e proceso a keda te ora mehora e bida marino.

E dignatario a señala cu e ta pro tiramento di pisca y e esaki ta canando pa wordo legaliza y tene cuenta cune. Logicamente tiramento di pisca no ta tuma lugar den e areanan cu ta wordo proteha, ni den areanan turistico.

Tiramento di pisca tambe mester wordo controla pasobra e tin di haber cu proteccion di nos ecologia marino. Pesey esaki mester wordo haci responsable, defini ki tipo di pisca por wordo tira, na unda, etc.

- Advertisement -

DUNA COMENTARIO

Please enter your comment!
Please enter your name here