Relaciona cu menor di edad expulsa:
ORANJESTAD (AAN) – Minister di Husticia mr. Andin Bikker, a hiba palabra den conferencia di prensa di gobierno, Dialuna mainta.
El a declara cu na corto termino e maneho diario di Warda Nos Costa y IASA lo conoce un cambio.
Cuminzando cu Warda Nos Costa, e dignatario a tuma e decision, Dialuna mainta, di pone sr. Elio Blijden, Hefe di Warda Nos Costa, riba “non actief”.
Minister di Husticia a hustifica esaki cu e hecho cu sr. Blijden a expulsa un menor di edad (15 aña) for di Aruba, sin consulta cu e minister, cu por cierto tabata pafo di Aruba e momento cu esaki a tuma lugar.
E menor di edad tabata bao guia y custodia di Cruz Cora, y esaki a pone Aruba den un situacion fastioso pa loke ta trata Reino Hulandes, y nos pais su relacionnan cu Washington, pa loke ta trata procedurenan internacional di asilo politico.
Pesey, e dignatario a subraya, el a tuma e decision di inmediato pa suspende sr. Blijden, los di diferente otro keho cu ta yega na despacho di Minister tocante integridad, pero tambe e hecho cu tin varios caso cu no a resolve, di personanan cu a keda reclui pa wordo expulsa, y cu na un forma cu no ta haya splicacion pe, diripiente nan ta huy for di e lugar.
