Home CURACAO Ministernan di Salud di Reino a firma MOU na Curacao pa inclui...

Ministernan di Salud di Reino a firma MOU na Curacao pa inclui prevencion den cuido medico

31
0
SHARE
- Advertisement -

ORANJESTAD (AAN) — Den conferencia di prensa di gobierno, Dialuna mainta, pa den nomber di Minister Dangui Oduber, titular di salubridad, emiti un informacion relaciona cu e tema di salud.

Minister di Salud, mientras tanto, ta na Curacao den un reunion di Reino Hulandes, tocante e tereno aki.

E dignatario a indica cu minister Oduber hunto cu su coleganan di Hulanda y di Curacao, y representantenan di Bonaire a cera un MOU (memorandum understanding) encuanto salud.

E tema aki ta hopi importante pasobra e ta cuadra cu e vision di nos gobierno. Minister Presidente ta haya cu esaki ta un noticia hopi  bon pa comparti y cuminza e siman aki.

Enfasis riba e MOU aki ta prevencion. “Ya caba na Aruba nos a bin realiza cu ora nos mira e parti di nos cuido di salud e ta e parti curativo. Pero tin di otro banda esnan cu ta boga pa e parti di prevencion, cu no ta hopi leu for di otro. Pero cu e desaroyonan na mundo, y aki na Aruba, nos a yega na conclusion cu nos tin cu yega mas cerca di otro, y cu e parti curativo no por funciona si e aspecto preventivo no ta in place”, e dignatario a señala.

E mandatario a pone como ehemplo un hende cu por bira malo pa motibo di presion halto, cu ta haya pildo pa esaki, pero si e no come mas saludable y biba mas saludable, e ta sigui bira malo y ta drenta sali constantemente for di hospital.

Minister Presidente ta haya cu ta hopi importante pa kibra e ciclo aki pasobra gobierno no por cargue mas.

“Financieramente, e pais no por carga mas hende cu ta keda bin docter constantemente, pa e mesun sintomanan, y pa kibre bo ta kibre cu prevencion. Pues, akinan ta e punto cu nos a yega na Aruba unda nos a bisa cu esaki ta e cambio cu nos kier pa nos cuido di salud, y mi ta contento cu minister a logra yega na e acuerdo aki tambe, cu Curacao, Bonaire y Hulanda”, Minister Presidente a duna di conoce.

Tambe nan a papia di con pa introduci un tax, no pa stimula, sino pa stroba uso di cuminda y substancianan cu ta haci un hende bira mas malo.

E dignatario a menciona cu por ehemplo un “sugar tax”. Aworaki henter pueblo tin cu paga un prima di AZV siendo cu talvez si bay na esnan cu ta malusa nan dieta y cada bez nan ta bira malo, pues laga nan contribui un poco mas.

E mandatario a indica cu e paisnan aki hunto lo promove tambe e uso y importancia di fruta y berdura propio di nan pais.

Por ehemplo, na Aruba no tin diferente fruta y berdura y lo bay enfoca e importancia di consumi esakinan. “Basicamente, e acuerdo aki ta nifica cu nos ta bay haci e docternan partner den e esfuerzonan di gobierno pa haci nos pueblo saludable bek. No solamente duna remedi pa mantene e industria farmaceutico riba pia pero pa haci nos pacientnan saludable bek”, Minister Presidente sra. Evelyn Wever-Croes a subraya.

- Advertisement -

DUNA COMENTARIO

Please enter your comment!
Please enter your name here