Home Gobierno Otro siman por importa fruta y berdura di Venezuela

Otro siman por importa fruta y berdura di Venezuela

173
0
SHARE
- Advertisement -

Bao condicionnan hopi estricto

ORANJESTAD (AAN): Diabierna 1 di juni 2018 a tuma luga na Punto Fijo, Venezuela, un reunion tecnico entre e delegacion di Estado Falcon bao guia di Gobernador Clark y un delegacion di Aruba.

E reunion a bay den un bon ambiente y a desaroya e procesonan y documentonan pa yega na un reapertura di e frontera marítimo cu Estado Falcon pa cu fruta, berdura y pisca.

A base di esey Minister President Evelyn Wever-Croes a dicidi di habri e frontera marítimo cu Venezuela entrante otro siman diahuebs 7 di juni 2018 pa fruta, berdura y pisca según e procesonan y documentonan palabra entre Aruba y Estado Falcon. Ademas ta inclui e yatenan di placer cu ta cumpli cu e rekisitonan estableci.

Lo tin controlnan estricto na nos frontera pa evita ilegalidad y contrabando. Solamente botonan cu un certificado oficial pa transporte, por transporta fruta, berdura y pisca.

Cu esaki Gobierno a cumpli cu e compromiso di haci tur lo posibel, apesar di e circumstancianan dificil, pa habri frontera pa asina importa fruta, berdura y pisca for di Venezuela.

 

- Advertisement -

DUNA COMENTARIO

Please enter your comment!
Please enter your name here