ORANJESTAD (AAN): Personanan cu tabata bezig ta bahando asbest for di dak di cas y kibrando e asbestnan a wordo atendi fuertemente pa Polis. A considera nan actuacion iresponsabel. Bisiña a nota loke ta pasando y a yama polis mesora.
Algo pasa di 7:15 diamars anochi polis a bay na un cas net dilanti di Professional Pest Control. Dos persona tabata kibrando dak di cas den forma no corecto y esaki ta hopi malo pa salud. Mesora personal di brandweer y polis a wordo avisa di e caso.
A bay rapidamente na e cas menciona cu ta den Avenida Milio Croes den Dakota. A atende cu dos persona y a splica nan e consecuencia di e kibramento di asbest. Finalmente nan a compronde y despues a laga e trabou para. Polis a scual nan y despues tur cos a paraliza.
