Home Remitido Un ‘Morto Ambulante’ ta puntra; Ta ken mester bay lembe?

Un ‘Morto Ambulante’ ta puntra; Ta ken mester bay lembe?

40
0
SHARE
- Advertisement -

Remitido

Como yiu di tera bo tin cu cana un caminda di cruz pa bo por haya bo derecho medico na Aruba pasobra ta asina e ta!

Na aña 2018 ainda un arubiano no tin e mesun derecho cu hala cu ta bin di exterior si ta haya riba tereno medico, anto tin di nan a haya atencion per direct y miyonario manera cu nan a pone pia riba e isla aki.

Tin un wega di bay bin ora cu bo ta busca bo derecho pa haya atencion y cuido medico y bo ta worde manda di A pa B pa C y te ora cu bo bay pa Z den Kwadraat cual ta e station final cu yama Funeraria.

Asina tin varios yiu di tera ta cana rond manera ‘Morto Ambulante’ riba e isla aki.

Un Parlamentario of ministro tambe ta haya e mesun trato?

Awor mi kier sa di Prome Ministro di pais Aruba como hefe di gobierno; si bao di e maneho cu e ser humano lo ta central, ta Lembe un arubiano mester bay Lembe un of mas ministro pa e por haya su derecho riba tereno di cuido medico?

Actualmente como periodista independiente y cu un trayectoria di riba 20 y pico aña di periodismo investigativo, mi tin cu haci e pregunta na gobierno; ta depende ta ken bo ta of si bo ta cay na agrado di gobierno na mando si of no?

Manda un arubiano pa exterior pa haya cuido medico ta caro? Pregunta; un extranhero ta bin aki y na su mesun pais nan a nenga di dune cuido medico pasobra e ta mucho caro y aparentemente no lo tin exito tampoco, pero e ta logra haya AZV y pa colmo e ta worde manda pa su mesun pais cada tanto tempo y ta haya remedinan etc etc cu ta costa nos algun 100 mil pa aña?

Wel ban laga e parti aki te ey pa no cuminsa un Jump Up di Bashamento abao; Por lo pronto!

 

Un ‘Morto Ambulante’,

Vale Hart.

- Advertisement -

DUNA COMENTARIO

Please enter your comment!
Please enter your name here