Home Transporte y Utilidadnan A pesar di maneho hopi mucha a sali di Aruba sin wordo...

A pesar di maneho hopi mucha a sali di Aruba sin wordo controla debidamente

282
0
SHARE
- Advertisement -

Migracion mester haci nan trabao corectamente ora ta trata biahamento cu menornan di edad

ORANJESTAD   (AAN):  Relaciona cu e informacion cu recientemente tabata den publicidad pa loke ta biahamento cu menornan di edad, DIARIO a haya reaccion indicando cu a pesar cu tin un maneho cu ta bisa cu e mayor of e persona viahando cu un menor di edad mester mustra un carta di autorizacion y un ID di e mayor (nan) cu no ta biahando  cu e mucha (nan), esaki no tur ora a wordo cumpli.

Tin personanan cu ta señala cu nan a yega di viaha cu menornan di edad cu no ta nan yiunan y ora di pasa control na Migracion, e oficial di Migracion no a ni worry cu check si e mucha ta menor di edad of si e persona cu cual e ta biahando cu e mucha ta nan mayor. Kiermen, e carta nunca a wordo solicita.

Esaki no a sosode un biaha so. A sosode hopi biaha mes, segun reaccion. Banda di esaki por corda di diferente caso unda a raporta secuestro di un menor di edad di parti di e mayor cu a keda Aruba y cu no a duna autorizacion pa e mucha bandona e isla.

Di e mesun manera aki, tin muchanan cu a bandona Aruba cu un mayor y nan no a bolbe mas y unda te hasta mester a pone e denuncia den man di Interpol pa motibo di secuestro di un mucha menor di edad cu a bay for di Aruba cu vakantie.

Awor cu a sali un informacion eroneo y cu Minister Bikker a bin dilanti den un rueda di prensa pa aclarea riba e maneho, cual no a cambia, lo ta bon pa trece e situacion aki tambe den luz publico un biaha mas pa corda autoridad y e instancianan concerni riba nan control y nan trabao cual mester wordo ehecuta corectamente.

Ta conoci cu na diferente pais tin un maneho masha stricto mes pa evita traficacion di mucha. Den cuadro di esaki ta pesey cu e paisnan aki ta pidi pa e mayornan di e muchanan apostilla e autorizacion of e permiso pa e muchanan por viaha.

Migracion ta controla esaki ora cu un mucha menor di edad presenta na aeropuerto, si nan tin e permiso actualiza, cu ken nan ta biaha of cu ken nan mag di biaha of si nan por biaha nan so. Tur esaki ta wordo haci pa proteha e muchanan. Ta un procedura hopi fastioso, pero ta mihor preveni cu lamenta.

Si na Aruba e maneho ta stipula cu un carta y un copia di ID ta suficiente, e ora esey ta e procedura na e isla aki. Pero e control mester tey na e frontera y esaki mester wordo cumpli, segun ley of convenionan stipula.

- Advertisement -

DUNA COMENTARIO

Please enter your comment!
Please enter your name here