Home Ciencia y Tecnologia Aruba a resalta como isla promoviendo e importancia pa hobennan carga e...

Aruba a resalta como isla promoviendo e importancia pa hobennan carga e mensahe di desaroyo sostenibel

101
0
SHARE
- Advertisement -

ORANJESTAD (AAN): Dia 17 di juli Minister Otmar Oduber den e funcion como lider di delegacion di Reino pa locual ta e “High Level Political Forum” di Nacionnan Uni a ricibi espacio pa duna un declracion nacional di parti di Reino durante di e debatenan general di Nacionnan Uni.

Algo cu a resalta pa diferente motibo ta cu conhuntamente cu e miembro di hobennan di Nacionnan Uni, Minister Otmar Oduber por a presenta e diversidad pa locual ta e Reino Hulandes y asina logra contribui na posiciona Aruba como un Pais cu ta hopi diverso y visionario, pa locaul ta e diferente temanan di Nacionnan Uni y di metanan sostenibel cu a worde formula den aña 2015.

Por bisa cu den un sala cu diferente Pais grandi y chikito Aruba a resalta di tal forma unda cu no solamente por a mustra e diversidad di Reino por medio di e diferente paisnan pero tambe a trece dilanti e importancia di e hobennan cu lo carga e mensahe cual ta desaroyo sostenibel.

Tambe tabata hopi aparente e sosten cu Minister Oduber a duna den forma di trece dilanti e hoben cu ta representante di Nacionnan Uni cu yama Emma Clemmens pa asina duna un declaracion di e importancia di semper envolvi tur actor, especialmente hobennan pa locual ta metanan den futuro. E sesion a bay hopi bon y a ricibi hopi elogio pa locual ta Pais Aruba su esfuersonan. Banda di esaki a duna informacion pa loke ta plannan pa futuro y tambe a comparti retonan cu sigur tur Pais ta comparti y asina conhuntamente siñando di otro! (treciendo back e aspecto di “Lessons to be Learned”.

Di e forma aki conhuntamente, Aruba por a contribui na locual ta metanan internacional pero tambe riba nivel local di sostenibilidad.

- Advertisement -

DUNA COMENTARIO

Please enter your comment!
Please enter your name here