Home Ciencia y Tecnologia Companianan local no a mustra mucho interes pa loke ta uso di...

Companianan local no a mustra mucho interes pa loke ta uso di biodiesel

38
0
SHARE
Conceptual photo of bio fuel. On bright background
- Advertisement -

Gregory Fung-a-Fat:  Aruba ta keda laga oportunidadnan manera esun di biodiesel na banda

ORANJESTAD  (AAN): Gregory Fung-a-Fat di Antilla Energy ta splica den entrevista cu DIARIO cu pa añanan caba ta trahando riba e uzo di biodiesel y asina WEB Aruba NV por uza un sistema mas limpi.

Pa varios aña caba, WEB a sinta cu diferente compania manera Arubus, AAA y WEB cu a haci prueba di e biodiesel, pero nada mas a wordo haci.

E biodiesel aki ta uno traha localmente, ta miho pa medio ambiente y ta yuda pa cu e desperdicio cu Aruba tin, pues e biodiesel ta wordo traha di tur e desperdicionan cu tin.

Tin falta di interes di parti di companianan local pa cu e proyecto aki cu Fung a Fat ta mustra cu ta uno beneficioso pa futuro di Aruba su medio ambiente. Y mientras otro paisnan si a actua riba tur e estudio y pruebanan haci, Aruba ta keda uno cu laga oportunidadnan manera esun di biodiesel na banda.

Fung-a-Fat ta splica cu biodiesel no ta mas barata cu fuel oil, pero e ta sinti cu e companianan mester wak e beneficionan cu lo tin den termino largo compara cu si sigui uza e fuel oil cu lo sigui daña e medio ambiente. Pero nada a sali di e MOUnan cu a wordo firma cu Arubus, AAA y Gobierno.

- Advertisement -

DUNA COMENTARIO

Please enter your comment!
Please enter your name here