Home Naturaleza Destruccion di Aruba su fauna di costa ta alarmante

Destruccion di Aruba su fauna di costa ta alarmante

236
0
SHARE
- Advertisement -

StimAruba ta bati alarma

ORANJESTAD (AAN): Den fin di siman, e grupo StimAruba a emiti un alerta pa destruccion alarmante,

Sorto di Cocolishi, cleconchi, gengo, cangreu blou y di mondi y kiwa ta core riesgo di desparse den nos naturalesa. Delaster tempo esnan cu ta come e cangreu y cocolishinan aki  ta destrui y ta piki mas cu nan por come. Si no bin un paro na pikimento di e sorto di faunanan menciona ta caba cu nan.

Nan ta opina, cu awor si tin di usa man fuerte par para ariba pa laga e sortonan aki rende. E hembra cu ta procreado no ta worde respeta. Ta piki loke cu ta den nan caminda y hasta cu cabutiti. Nan ta weita masha bon cu e cangreu y soldachi ta pa procea. Ta kico lo resta pa  generacionnan pa futuro?

Por cumpra cocolishi den supermarcadonan cu ta special pa consumidornan cu ta gusta cuminda di lama. Cantidad di baby calco ni a haya oportunidad pa crece y madura. Den Aruba su constitucion e ta menciona y ta cay bao di CITIES, e ta protehi pa ley.

Cangreunan blou cu kier crusa e caminda  na Rooi Lamoenchi  ta core riesgo di worde atrapa. Hopi cangreu cu ta carga cu cabutiti por lo menos 60% ta worde placha riba caminda. Antes e trayectora di e cangreunan tabta bou di e caminda, tabata mas hancho y traha di cement den largura.

Loke a traha aña pasa ta diferente. Awor ta cu pipa rondo di otro material a traha e pasada. Tengla di cangreu no ta gara bon na e material y nan ta subi pasa riba tur obstaculo pa bay riba caminda pa bay nan destino pa laba e cabititi den lama, hopi no ta yega nan destino, cu tur consecuencia cu tin.. Riba caminda mayor no por exigi ningun chofer pa para nan vehiculo pa bestia crusa.Otro parti di mundo ta tene consideracion cu bestianan cu mester crusa den lugar of barionan pobla unda tin trafico di motor.

Awor nos cangreu y soldachinan ta core riesgo den man di hende cu ta piki demasiado soldachi y ta core riesgo di caba cu nan. No ta duna Calco oportunidad pa crece asina por yega un dia cu lo ta fin di nan existencia. A destrui Kiwa nan habitad, antes ta mira nan riba baranca canto di awa, awe ya e kiwa ta yegando su final. Cocolishi di galiña poco poco a destrui e mata di Taya y mangel. Nan vivadera a rosa for di Sero di Teishi te Pos Chikito. Hasta esnan cu ta den awa pega na e mangelnan a worde destrui. Nan ta parti di nos naturalesa y na tin nan funcion den nos naturalesa.

- Advertisement -

DUNA COMENTARIO

Please enter your comment!
Please enter your name here