ORANJESTAD (AAN): — Lo ta bon pa mayornan tene cuenta cu riba e planeta aki tin masha hopi hende ta circula cu mente frustra pa hasi daño na otro.
Na Miami polis a descubri cantidad di droga den forma di “Gummy Bears”.
Ta trata aki di droga sintetico cristaliza cu ta identico na un mangel cu e tin e mesun nomber.
Polis di Miami mientras tanto a haci yamada na mayornan pa tene bista riba comportacion di nan yiu.
E droga ta barata y e ta wordo parti special bao di hobennan e version ta menciona.
E droga ta causa halucinacion y paranoia. E polisnan tin casonan conoci cu despues cu e sospechosonan a usa e droga, nan ta core “sunu “ riba caya.
Algun siman atras tabata tin varios caso aki na Aruba na unda asistencia di polis a wordo solicita, probablemente pa esnan nan careda sunu cu lo por tabata victima di droga parecido na “Gummy Bears”.
