Home Naturaleza Haya sa un tiki di Mangel Tam (Rhizophora mangle)

Haya sa un tiki di Mangel Tam (Rhizophora mangle)

11
0
SHARE
- Advertisement -

ORANJESTAD (AAN) – Mangel Tam ta haya su nomber na Papiamento pasobra un siglo pasa tabata uza liña di catuna y agave gevlecht cu otro pa pisca. Nan tabata tam e liña di pisca cu e simia di e Mangel Tam pa percura pa liña no putri.  E salo ta concentra den e simia cu ta conserva.

Mangel Tam ta biba den habitatnan extremo unda lama ta topa tera. Un di e caracteristicanan di e Mangel Tam ta, su reisnan cu ta cana drenta lama. E reisnan (steltwortels) ta duna e mata sosten den e awa y lodo. Aki ta unda hopi pisca chikito, cocolishi y otro organismo marino ta sconde y come. E reisnan por produci awa dushi for di lama door di su habilidad pa filtra e awa. E reisnan tambe ta forma un tera firme y ta proteha nos costanan contra erosion y horcan.

E simia di e Mangel Tam tin un punta skerp. Ora e simia cay na suela, e ta cay manera un torpedo den e lodo of ta keda drif te unda e toca suela y eynan e ta cla pa crece.  Mangel Tam su blachinan ta berde scur bunita, su flor geel ta mes briyante cu e strea ariba Aruba su bandera.

Tin hopi mas uzo pa e diferente partinan di e Mangel Tam, un di nan ta e te di su reis. Ta duna e te na muchanan cu ta pishi kama anochi. E Mangel Tam ta presente entre otro na Spaans Lagoen, Mangel Halto y na Santo Largo na Savaneta.

- Advertisement -

DUNA COMENTARIO

Please enter your comment!
Please enter your name here