Home Hudicial Homber di Bulgaria a bin Aruba special pa hit un banco 292...

Homber di Bulgaria a bin Aruba special pa hit un banco 292 mil florin

1248
1
SHARE
????????????????????????????????????
- Advertisement -

ORANJESTAD (AAN)– Ayera mainta a presenta dilanti di Hues e homber B.V. biba na Bulgaria y e homber J.B.

Nan dos ta wordo sospecha di entre 23 Maart 2018 y 27 Maart 2018 a horta 292 mil florin na ATM di Aruba Bank, usando carchi di banco di un persona sin su autorizacion. E caso aki a keda posponi ya cu ta den e tempo di receso di Corte. A keda palabra cu na November 2018 e tratamento ta tuma lugar.

Un sospechoso kier papia

Despues di a lesa e acusacion contra B.V. y J.B., Fiscal a bisa cu e caso ta pro forma. Fiscal a propone 9 November 2018 pa 9.45 di mainta pa trata e caso.

Abogado mr. Lejuez a bisa Hues cu su cliente J.B. mes kier papia. E sospechoso J.B. a bisa Hues cu e tin un trabou na Citco y a pidi Hues pa lag’e liber te dia di e caso. Fiscal a puntr’e con e sa cu ainda e tin trabou. J.B. a bisa cu el a yama for di KIA trabou y nan a bis’e cu e tin su trabou ainda.

Abogado mr. Carlo a bisa cu su cliente B.V. a admiti cu el a bay cu algun persona na San Nicolas y a saca 20 mil florin for di ATM. Ta un biaha so e lo a haci’e y segun e abogado, Recherche a mir’e riba video. Mr. Carlo ta haya cu B.V. a sinta suficiente castigo pa loke el a haci. El a pidi Hues pa suspende detencion di B.V. E abogado tambe a pidi Hues pa Fiscal duna documentonan y video di seguridad un luna adelanta pa asina por prepara bon y si tin peticionnan lo por haci esaki na tempo.

Mr. Lejuez a bisa Hues cu J.B. a pidi pa Recherche bay scuch’e na KIA pero esey no a sosode ainda.

Fiscal kier sa pakico J.B. kier papia cu Recherche. Segun J.B. e kier duna otro declaracion o sea kico realmente a pasa.

BULGARO A BIN PA HIT BANCO

Fiscal a reacciona riba e dos peticionnan. El a pidi Hues pa rechaza e peticion di J.B. pasobra Fiscal ta haya cu no tin nada concreto riba papel cu J.B. lo haya su trabou.

Pa loke ta e Bulgaro B.V., Fiscal a bisa cu B.V. mes a bisa cu el a yega di haci’e caba y cu el a haya 200 mil florin y un otro tabata hunto cun’e. Fiscal a bisa Hues cu anterior B.V. a wordo condena caba pa algo similar. Fiscal a remarca cu ta parce cu B.V. a bin for di Bulgaria special pa hit banco na Aruba y Sur America. Fiscal ta haya cu mester rechaza e peticion di abogado mr. Carlo tambe.

CASO POSPONI

Hues a bisa cu e ta pospone e caso pa dia 9 November pa 9.45 di mainta. Hues a rechaza e peticion di J.B. y di B.V. Nan ta keda encarcela te dia di e caso.

- Advertisement -

1 COMMENT

  1. Oh Aruba bo nomber so a keda. Un jiu di tera no por reconoce bo.
    Ta manera bo a wordo converti den un pais di maldad. Cu hopi dolor mi ta expresa esaki.

    Where are the good days of yesterday.
    Dianan di paz y di hermandad. Di bo hendenan bondadoso.
    Turismo, turismo y mas turismo y wak con e pais a para bira. Rubianonan mes no ta conoce otro mas
    Hopi tristo.

DUNA COMENTARIO

Please enter your comment!
Please enter your name here