Home Gobierno Intencion pa cuminsa cobra back pa e parkeermeter, pero ainda no

Intencion pa cuminsa cobra back pa e parkeermeter, pero ainda no

250
0
SHARE
- Advertisement -

Minister Chris Romero:

ORANJESTAD(AAN): Tin rumor cu ta circulando cu tin diferente costo cu lo bay drenta na vigor. A menciona hasta cu ta bay cuminsa cobra back pa parkeermeter y cu ya caba tur cos ta cla. Minister Chris Romero a splica cu esaki no ta cuadra cu realidad. E realidad ta cu no a yega asina leu ainda pa bisa ki dia esey lo tuma luga. E realidad ta cu tin e comisionnan ta haciendo diferente reunion, papiando cu diferente instancianan y asina ey yega na un decision concreto. Pero tambe pa wak con ta bay haci’e y na un manera responsabel. E realidad ta cu no tin nada asina, pero cu e lo drenta pronto, esey si.

No ta solamente pa cubri gastonan di Arubus, pero mester a introducie pa haci’e mas facil pa esnan cu ta bin Playa pa bin haci nan compranan. Mester por cubri e gasto, pero mester por a duna un alivio den caya grandi. Actualmente ta tende cu no tin hopi parkeerplaats, of no tin suficiente vaknan blanco, etc. E realidad ta cu e mester ta pa tur dos. E mester ta pa e consumidor, pero tambe pa cubri su mesun gastonan.

Tin un comision forma di diferente bureau, caminda nan ta bezig ta haciendo e diferente sondeonan rond. Hendenan cu ta cerca di e minister, pero tambe ta buscando informacion for di otro personanan.

Tin gritonan ta drenta cerca e minister pa e necesidad pa para den caya. E grito mas tanto ta cu ta e keho cu no tin hopi vak blanco. Por bisa berdad, awor aki tin hopi hende ta bisa cu nan no ta mind paga un suma chikito, basta nan yega y haya un parkeo cerca di nan destinacion.

- Advertisement -

DUNA COMENTARIO

Please enter your comment!
Please enter your name here