Home Actividad Especial Jonathan Croes y amigonan cu concierto riba barco Freewinds

Jonathan Croes y amigonan cu concierto riba barco Freewinds

29
0
SHARE
- Advertisement -

“Go Cultura Foundation” ta encurasha Aruba pa brinda mas sosten na nos hobennan…

ORANJESTAD  (AAN):  Manera a anuncia, Diasabra awor riba e barco Freewinds lo tin un grandioso concierto presenta pa Jonathan Croes y su amigonan musical.
Un concierto cu ta conta cu apoyo y sosten di Go Cultura Foundation y Multimedia International.
E concierto aki lo ta e forma cu Jonathan ta gradici Aruba pa tanto aña di apoyo, pero tambe e lo ta e forma cu Jonathan ta bisa Aruba: “te aworo”, ya cu e hoben cantante ta rumbo pa Hulanda den algun dia, pa sigui cu su estudio.
Go Cultura Foundation ta un partner importante den e proyecto aki, no solamente pasobra esaki lo tin un impacto positivo den varios aspecto riba tur esnan cu lo tey presente, pero tambe pasobra proyectonan asina ta sirbi como oportunidad y empuhe pa nos hobennan por bira entrepreneurnan independiente, cu curashi pa cuminsa nan propio iniciativanan den futuro.
Go Cultura Foundation ta comprometi cu e mision di sigui stimula y engrandece e bida artistico y cultural riba nos isla, pero tambe pa pone tur e hermentnan disponibel y duna oportunidad na e talento (hoben) di Aruba pa desaroya su habilidadnan creativo y empresarial.

E entusiasmo di Jonathan Croes pa su prome concierto ta hopi halto.
Ta keda na nos awor pa demostra nos apoyo real na un causa asina importante y positivo, door di cumpra carchi y yena e sala di Freewinds.

E elenco di artista cu lo presenta cu Jonathan, ta consisti di Kiziah Trimon, Camilo Bastidas, Danilo Vrolijk y Edjean Semeleer.
Si ainda bo no tin bo carchi di entrada cu ta costa solamente Afl. 50,- pa persona nos ta conseha bo pa bishita oficina di “Go Cultura Foundation” den J.G. Emanstraat 24 durante orario di oficina, of comunica cu nos via nos pagina di Facebook of na telefon 5830808.

Tribike na Sta Cruz, Fantastic Gardens y Taste my Aruba Café den edificio di Cosecha Oranjestad tambe tin carchi obtenibel.

Ban demostra apoyo genuino na otro artista hoben cu semper a brinda su aporte na engrandece y enrikece nos herencia cultural y musical.  Sigur un ehempel pa otro hobennan riba nos isla.

- Advertisement -

DUNA COMENTARIO

Please enter your comment!
Please enter your name here