Home Gobierno Lo keda pendiente di debate den Tweede Kamer tocante expresionnan di sr....

Lo keda pendiente di debate den Tweede Kamer tocante expresionnan di sr. Blok

127
1
SHARE
- Advertisement -

Prome Minister sra. Wever-Croes:

ORANJESTAD (AAN) – E conferencia di prensa di gobierno, Diahuebs, tabata na encargo di Prome Minister sra. mr. Evelyn Wever-Croes, ken a toca diferente tema cu actualmente ta di dominio publico.

E temanan aki tabata su combersacion cu Minister Stef Blok, Repsol y final di e prome etapa di boramento den nos subsuelo, e problema di huma di WEB y su efecto riba ASTEC y Cuentanan Anual.

Combersacion cu Minister Blok:

Prome Minister a bolbe elabora riba e tema di e expresionnan di Minister di Relacion Exterior  di Reino Hulandes, sr. Stef Blok, durante un reunion priva na Hulanda (tocante e tema di refugiado), y kico ta e combersacion al respecto e tabata tin cune.

Reflexionando bek riba e expresionnan di Minister Stef Blok siman pasa na Hulanda, como Minister di Relacion Exterior no solamente di Hulanda pero tambe Aruba, Curacao y Sint Maarten, den un reunion priva pero cu despues a bira publicamente conoci, tocante e tema di comunidadnan multicultural, e dignatario a bolbe referi na locual e mandatario Hulandes a bisa.

“El a bisa cu den comunidadnan multicultural semper bo ta haya tension y ta dificil pa bo por biba na paz cu otro. El a referi tambe na un Estado cu a faya den esaki, cu lo ta Suriname.

E expresionnan aki a trece hopi conmocion y esaki a pone cu e kier a ofrece disculpa. El a warda te ora mi a regresa di mi biaha y mi a combersa cune ayera. E kier a ofrece su disculpa den nomber di Gobierno di Hulanda, na e pueblo di Aruba, pa e expresionnan cu el a haci”, Prome Minister a reitera.

Minister Presidente a splica señor Blok cu Aruba ta un pueblo multicultural y cu e ta kere cu su palabranan a cay hopi duro, pasobra Aruba ta un comunidad multicultural  y  esey ta nos pais su forza.

“Importante pa nos ta cu semper nos ta trata otro cu respet, tanto esnan cu ta bin nos pais como esnan cu ta bin akinan y na momento cu falta otro respet den e forma aki e ora ey bo ta haya tension y cosnan ta sali foi man”, e dignatario a subraya.

E mandatario a bisa sr. Blok tambe cu palabranan lo no kita e daño cu ta haci caba pero accionnan so por haci esey.

“Aworaki e responsabilidad ta riba dje, pa mustra cu accionnan cu enberdad e gobierno di Reino Hulandes no ta pensa manera e palabranan cu el a bisa cu e comunidadnan multicultural ta faya. E tin cu tene cuenta cu como Minister di Relacion Exterior di Reino, e ta representa Aruba, Curacao y Sint Maarten tambe, y den e cuadro ey tin cu tene cuenta cu e cultura akinan y cu e temanan delicado cu nos como pais ta enfrenta cune. Den nos caso mi ta ripiti cu nos ta un comunidad multicultural y nos ta kere cu esey ta nos forza y respet e base pa tur cos. Den esaki el a acepta y a duna nos razon tambe. Pendiente ta kico ta bay pasa na Hulanda mes den un debate den Tweede Kamer y tambe kico Parlamento di Aruba ta bay haci, pasobra mi a weita cu Parlamento tambe a duna expresionnan bastante firme den e caso aki”, e dignatario a conclui tocante e tema aki.

- Advertisement -

1 COMMENT

DUNA COMENTARIO

Please enter your comment!
Please enter your name here