Home Gobierno Minister Otmar Oduber reconfirma e posicion di empleadonan di Serlimar

Minister Otmar Oduber reconfirma e posicion di empleadonan di Serlimar

255
0
SHARE
- Advertisement -

ORANJESTAD (AAN): Den presencia y den acuerdo conhuntamente cu parlamentarionan di MEP, Minister di Infrastructura y Medio Ambiente Otmar Oduber a informa tur e empleadonan di Serlimar cu entrante 1 januari 2019, Serlimar ta cuminsa cu cobransa pa recogemento di desperdicio. Ley ta stipula cu Serlimar tin cu cobra pa recogemento y procesamento di sushi na tur ‘ophaalpunt’, cual lo sigui cumpli cu ne, e mandatario a afirma.

Diahuebs den Conseho di ministronannan a tuma e decision cu e cobransa conforme ley cu ta existi na e momentonan aki caminda ta permiti Serlimar (cu ta e unico compania obliga pa tene Aruba limpi) cobra pa recogemento di desperdicio ta drenta na vigor 1 januari 2019. Nada no ta cambia y den e caso aki, manera cu e ley ta bisa y manera cu Minister encarga cu Serlimar a bisa na diferente ocasion, Serlimar ta cobra tur cas na Aruba pasobra pa ley nan tin e responsabilidad ey. Pa cual tin conseho huridico di abogadonan cu ta indica esey, como tambe veredicto di hues.

E meta di e Gobierno aki ta  pa conhuntamente percura pa e bienestar di Pais Aruba, bienestar di e trahadonan y di e compania Serlimar, pa cual ta sigui dilanti cu tur e plannan cu a presenta. Pa prome biaha despues di basta aña cu tin un prosupuesto completo di 22 miyon, contrario na gobiernonan anterior cu tabata corta esaki. Cual a haci cu awe Serlimar tin casi 12 miyon Florin na debe, Minister Oduber a termina bisando. Hunto nos mester traha pa bienestar di nos pais.

- Advertisement -

DUNA COMENTARIO

Please enter your comment!
Please enter your name here