Home Politica Partido RAIZ a nota cu nan a haya oido di Gobierno

Partido RAIZ a nota cu nan a haya oido di Gobierno

73
0
SHARE
- Advertisement -

ORANJESTAD (AAN); A base di RAIZ su ultimo LOB-verzoek Minister Otmar Oduber a entrega consehonan di DNM (Directie Natuur en Milieu)  y DIP (Directie Infrastructuur en Planning) cu su persona a ricibi tocante e proyecto ‘Isla di Oro Zoetry Resort’.

E consehonan di DNM y DIP ta confirma e importancia pa proteha e area en cuestion.

Banda di e informacion cu RAIZ a pidi den e LOB-verzoek Minister Otmar Oduber tambe a entrega copia di e carta den cual Minister ta informa e desaroyador cu, a base di e consehonan di DNM y DIP, su peticion encuanto e proyecto ‘Isla di Oro Zoetry Resort‘ no ta worde honra.

Aunque Minister President no ta na Aruba actualmente, toch su persona a sa di contesta RAIZ riba su peticion pa informacion encuanto e tema di control riba loke ta worde “dumped” den nos awanan territorial door di e barconan di Repsol cu ta borando pa gas. Na e momentonan aki RAIZ ta repasando y analisando e informacion ricibi di Minister President hunto cu e advies di DNM cu RAIZ a ricibi di Minister Otmar Oduber tocante e tema aki.

RAIZ kier gradici Minister President Evelyn Wever Croes y Minister Otmar Oduber pa duna nos oido y honra nos peticion pa transparencia di gobernacion.

- Advertisement -

DUNA COMENTARIO

Please enter your comment!
Please enter your name here