Home Gobierno Serlimar kier keda responsable cu maneho di desperdicio den forma completo

Serlimar kier keda responsable cu maneho di desperdicio den forma completo

215
0
SHARE
- Advertisement -

No kier competencia!

ORANJESTAD   (AAN):   Relaciona cu e  accion cu tabata tin ayera mainta di parti di e trahadornan di Serlimar na entrada di Parkietenbos,  Twyma van der Biezen, Marketing Manager di Serlimar a splica cu ayera a cera e porta pa tur e trucknan cu tin cu deposita sushi.

E remarca tabata cu kier a mustra cu Serlimar ta haci mas cu solamente recoge sushi sino maneha e desperdicio di Aruba completo. Relaciona cu e situacion unda ta mustra cu tin e posibilidad pa scoge tambe pa e compania Ecotech, ta pesey cu ayera a bay den accion.

E punto di salida ta cu Serlimar kier keda responsable a base di e landsverordening di 2005 unda ta bisa cu Serlimar ta responsable pa maneho di desperdicio completo, van der Biezen a indica.

El a agrega cu no ta asina cu mester bin competencia pasobra e introduccion di e tarifa social tin bao di dje diferente tipo di servicio cu solamente recoge sushi manera limpieza di Aruba y maneho di desperdicio.

Kiermen cu Ecotech ta haci solamente e parti di provee e servicio di recoge desperdicio, e ehecutivo di Serlimar a indica. Ta pesey Serlimar ta keda e compania responsable completamente, Twyma van der Biezen a duna di conoce.

- Advertisement -

DUNA COMENTARIO

Please enter your comment!
Please enter your name here