Home Policial Sesion informativo di CBP pa AHATA su miembronan

Sesion informativo di CBP pa AHATA su miembronan

91
0
SHARE
- Advertisement -

ORANJESTAD(AAN)–  Aruba Hotel & Tourism Association (AHATA) a invita US Customs and Border Protection (CBP) pa un presentacion na su miembronan di sector turistico. Meta di e presentacion tabata pa duna informacion di e reglanan y regulacion aplicabel pa tur pasahero cu ta biaha pa Merca.

CBP kier pa pasaheronan ta bon prepara y sa kico nan mester tene cuenta cun’e na momento di un control na booth di CBP. James Grimes, Port Director di Aruba Office of Field Operations di US CBP, a pone enfasis cu tur hende mester declara kico nan ta hiba di biahe pa asina evita problemanan y un experencia negativo na aeropuerto.

Aruba ta un destinacion di 16 na mundo cu tin “US Preclearance”, y US CBP ta atende hopi pasahero cu algun trahado na aeropuerto. E aña aki ta calcula cu lo atende 900 mil pasahero, y otro destinacion tin e mesun cantidad di personal cu tin na Aruba atendiendo menos pasahero. E duracion di turista den area di CBP ta di 10 pa 15 minuut y nan no kier pa esaki pasa mas cu e tempo ey.

Miembronan di AHATA a aprecia e informacion cu ta yuda nan informa e turistanan miho y a ricibi informacion cu ta aplicabel pa localnan cu ta biaha pa Merca. Ligenne Trimon di Aruba Marriott Resort & Casino y Paul Seute di Tropican Resort & Casino a expresa cu e parti di mas interesante tabata e informacion relaciona cu productonan di agricultura.

E miembronan presente a haya splicacion di kico por hiba of no por hiba ora di biaha pa Merca, cual ta un topico cu turista sa haci hopi pregunta pa aclaria loke nan por sali for di Aruba cun’e.

- Advertisement -

DUNA COMENTARIO

Please enter your comment!
Please enter your name here