Home Infrastructura Tecnicamente esfuerzonan ta wordo haci pa reduci efectonan di huma di WEB...

Tecnicamente esfuerzonan ta wordo haci pa reduci efectonan di huma di WEB Aruba NV

25
0
SHARE
- Advertisement -

Sr. Francis Ras:

ORANJESTAD (AAN)—Sr. Francis Ras, funcionario di WEB Aruba NV, den conferencia di prensa Diamars mainta, y el a referi na aspectonan tecnico.

El a reitera cu banda di tur nan esfuerzonan nan tin un sistema di smokestacks, cu ta un diseño cu nan tine na un haltura aproba internacionalmente.

Pero awor cu un empresa bisiña di WEB tin molester cu esey, nan ta treciendo un ingeniero civil structural, cu ta biniendo Aruba den e dianan aki pa hunto determina si ta posible tambe, banda di e esfuerzonan pa reduci e sulfur, hisa e smokestacks un tiki mas pa asina alivia e huma cu ta baha door di e biento.

Tambe lo haci investigacion si por laga e fluho di gas sali cu un velocidad mas halto y asina pasa net over di e area di e waf di Barcadera of di ASTEC, pa limita e exposicion di e gasnan aki na e trahadornan y e stakeholders cu ta traha na Barcadera.

Ras a sigui indica cu e duracion di esaki ta rekeri un tempo mas largo, inversion y ingenieria. Esaki nan ta bay hacie parallel pa wak si esey por yuda.

Sr. Ras a haci preguntanan na e partnernan, tocante otro opcionnan, pero no ta sin mas por hinca filter of otro den e sistema. El a wordo diseña cu cierto specificacionnan y no por hinca un filter den dje pasobra e por crea problema.

E lo rekeri tambe pa baha e plantanan y pa haci esaki mester tin otro ekiponan pa back up. Ademas e gastonan lo bira prohibitivo, cu mehor no bay den e direccion aki. Mehor ta e opcion di baha e sulfur di e fuel oil, y ora ey ta logra reduci e gas cu ta baha y cu ta molestiando e personanan.

El a referi tambe na e biodiesel cu WEB ta usando aworaki ta 3500 bari pa dia, y e ta algo cu mester importa y e prijs riba mercado tambe ta bira un reto y e logistica riba dje no ta haye riba mercado. Aruba tin un economia cu ta depende di awa y coriente y no tin suppliers na abundancia manera den e caso di fuel oil.

- Advertisement -

DUNA COMENTARIO

Please enter your comment!
Please enter your name here