ORANJESTAD (AAN): Pa algun tempo caba HR di Parke Arikok ta purba sconde un informacion relaciona cu acoso sexual na pia di trabou. Internamente e cos ta bon scondi pero a yega na nos oido.
E caso tin di haber cu un trahador di inicialnan R.W. cu ta assistant head cashier na Parle Arikok. E dama cu tambe ta traha como assistant cashier a haci e denuncia.
E dama ta di inicial G y tabata traha via un uitzendburo na Parke Arikok. Awendia e mucha muher no ta traha mas. E trahador mirando e investigacion cu tin a wordo geschors y tin basta tempo geschors.
E trahadornan sa di e caso pero no sa dicon HR mes ta keto riba e asunto aki. Parce cu Parke Arikok ultimamente ta den constant luz negativo pa diferente motibo.
Trahadornan mes no ta hayando atencion. E directiva constant ta cambia directora y esaki ta causa mas retraso pa e diferente puntonan cu pa algun tempo caba trahadornan ta buscando atencion pe.
