Home Hudicial Trahador na Arutram kita pa tabata bou influencia pisa di alcohol na...

Trahador na Arutram kita pa tabata bou influencia pisa di alcohol na trabou

411
0
SHARE
????????????????????????????????????
- Advertisement -

Hues ta sostene decision tuma pa e compania

ORANJESTAD (AAN) – Hues di Corte den Promer Instancia a rechaza e demanda di un trahador di Arutram y ta sostene e decision tuma pa e compania, pa kita e trahador pa motibo cu e tabata bou influencia pisa di alcohol na trabou.

Caso contra Arutram

Recientemente Hues a dicta sentencia den e caso aki caminda e trahador, representa pa abogado mr. Coffie a cuminsa un caso contra Arutram N.V. representa pa mr. Wix. E caso ta relaciona cu e hecho cu dia 19 Maart 2018 e trahador a haya carta di retiro, despues cu dia 15 di Maart 2018, Arutram a laga tur trahador haci un drug y alcohol test na Imsan y e trahador a sali positivo pa alcohol. E trahador a wordo suspendi sin pago y despues a haya carta di retiro. Abogado mr. Coffie a pidi Hues pa ordena Arutram pa sigui paga e trahador su salario y pa e bolbe haya su trabao. Mr. Wix di Arutram a reacciona contra e peticion aki y a pidi Hues pa rechaza e peticion.

Trahador bou influencia pisa di alcohol

Hues den su evaluacion di e caso ta mustra cu e trahador mes a admiti cu riba e anochi di 14 Maart 2018 el a bebe hunto cu 5 persona, 2 boter di whisky y banda di esey entre 10 y 20 boter di cervez. Hues a bisa cu a keda constata cu ora di e test riba 15 di Maart 2018 e cantidad di alcohol den curpa di e trahador tabata asina halto cu e ta cay den e caterogia cu e no por maneha vehiculo pasobra e no por reacciona bon. Hues a mustra cu e trahador a bisa cu e dia ey e no mester a maneha tram sino controla.

C.A.O. mes ta contra alcohol

Hues a mustra cu e contract colectivo (CAO) cu e trahador a firma ta mustra den articulo 6.1.0 y 6.2.0, cu e uso di alcohol por ta motibo di retiro. Na opinion di Hues, Arutram tin interes pa cu esaki pasobra entre otro un rail controller mester ta atento na ora di trabou pa cu hendenan cu ta subi y baha for di e tram. Hues ta haya cu e tipo di trabao aki un persona no por haci’e bou influencia di alcohol. Na opinion di Hues, aki no ta bay si ta un vez so esaki a sosode. Hues a mustra cu e trahador mester por a pensa cu mirando e cantidad di alcohol cu un dia promer el a bebe, esaki no a sali for di su curpa e siguiente dia cu e mester a traha.

Retiro ta na su lugar

Hues ta mustra cu e trahador a tuma risico pa surpasa e limite di alcohol asina hopi. Hues ta haya cu Arutram tin suficiente interes pa tuma medida diciplinario contra trahadornan cu durante ora di trabou ta bou influencia di alcohol. Ademas for di e CAO por compronde cu por duna retiro di biaha.

Hues ta haya cu Arutram tabatin un motibo di urgencia pa retira e trahador.

Hues su decision ta cu e ta rechaza e demanda di e trahador y a ordena e trahador pa cubri e gastonan di e caso na banda di Arutram.

- Advertisement -

DUNA COMENTARIO

Please enter your comment!
Please enter your name here