Home Gobierno Aruba a haya e mihor expertonan pa yuda soluciona problemanan social

Aruba a haya e mihor expertonan pa yuda soluciona problemanan social

38
0
SHARE
- Advertisement -

ORANJESTAD (AAN): Gabinete Wever-Croes 9 luna pasa a asumi responsabilidad pa goberna nos pais y mesora a worde confronta cu e realidad di problemanan social na Aruba. Un realidad cu e Gobierno anterior di AVP no kier a reconoce. Lamentablemente mucho tempo e problema social a keda neglisha.

Mesora Gobierno di Aruba a trece tur experto di e area social hunto, y a traha un Crisis Plan Social. Den e plan aki a aloca 32 miyon Florin pa cuminsa atende cu e problemanan social. E siguiente paso tabata pa busca asistencia di organizacionnan internacional pa yuda. Premier Evelyn Wever-Croes a biaha pa New York casi dos luna pasa pa representa Reino na Nacionan Uni y a reuni tambe cu Unicef.

Despues di e reunion cu Unicef, tramitenan a worde haci, y dos siman pasa Unicef a bin Aruba pa haci un assessment si nan por yuda y con. Nan a presenta nan conclusionnan preliminar na Gobierno di Aruba, y dentro di poco lo manda e relato final.

“Siman pasa mi a ricibi e delegacion di Unicef cu riba peticion di Gobierno a bin yuda nos cu e plan pa por brinda nos muchananan proteccion. Nan a duna un relato di cual ta e aspectonan cu Aruba mester mehora pa protehe nos muchanan miho.

Nan a elogia nos trahadornan social, cu ta traha cu alma y cuerpo. Y nan tabata tin hopi elogio pa Gobierno di Aruba cu awor si ta pone prioridad na e ser humano y e mucha en especial.

Apesar di tur reto, nos lucha ta pa duna tur mucha e proteccion cu nan merece.

Mi ta hopi satisfecho cu nos a logra convence Unicef pa bin Aruba asina lihe y cu nan ta dispuesto den yuda nos pone tur energia hunto pa traha den bienestar di nos muchanan” Premier Evelyn Wever-Croes a duna di conoce.

- Advertisement -

DUNA COMENTARIO

Please enter your comment!
Please enter your name here