Home Comercio Aruba Investment Agency a reuni cu representantenan di Samsung C&T

Aruba Investment Agency a reuni cu representantenan di Samsung C&T

88
0
SHARE
- Advertisement -

Compania interesa den desaroyonan di Aruba

ORANJESTAD   (AAN):  Recientemente representantenan di SAMSUNG C&T, Trading and Investment Group a bishita Aruba.

ARINA, Aruba Investment Agency, a prepara, coordina y asisti na e reunionnan aki hunto cu e representantenan di Samsung C&T, Sr. WooSeok Choi y Sr. Julián Benitez

Samsung C&T su interes tabata pa haci un estudio di Aruba pa  haya un mihor bista, conoce e desaroyonan di pais Aruba, compronde nos leynan pa por presenta nan proyecto  con pa desaroya  LNG-to-power pa reduce gastonan di coriente y awa y “polution di HFO-fueled power plants” na Aruba.

Den Caribe coriente ta wordo produci principalmente cu HFO (“heavy fuel oil”) y ta pesey e paisnan aki ta buscando pa cambia esaki pa gas natural, teniendo cuenta cu esaki por ta mas barata. (Problema di volumen abou por ta un problema pa reduci e prijsnan  y tambe malo pa nos medio ambiente).

Den e caso specifico di Aruba, gobierno y su compania di Utilities ya caba ta evaluando e posibilidad pa cambia di HFO pa gas natural. No solamente pa baha e prijsnan di coriente pero tambe e prijs di awa (pa motibo cu e planta di desalacion ta usa hopi coriente).

Samsung ta haya e proyecto aki hopi interesante y ta mira potencial y muy en particular como un patrocinador, (den e desaroyo y finanzas)cu lo por introduci financiamento competitivo .

A reuni cu e.o. oficina di abogado, banco, representante di gobierno di Aruba, Aruba Investment Bank, Deloitte, Utilities Aruba y Aruba Investment Agency Arina.

Preguntanan tabata basa ariba e experticio di cada representante. E grupo a keda sumamente impresiona y satisfecho cu e informacion ricibi di tur e representantenan.

Sin embargo mester menciona cu esaki ta nan promer fase, evaluando e proyectonan potencial den area Caribense.

 

 

- Advertisement -

DUNA COMENTARIO

Please enter your comment!
Please enter your name here