Home Gobierno Aruba kier Helicopter cu ‘FLIR Imaging System’ pa localiza hende den scuridad

Aruba kier Helicopter cu ‘FLIR Imaging System’ pa localiza hende den scuridad

292
0
SHARE
- Advertisement -

Gobierno a cuminza pone destaho publico pa busca Helicopter pa Polis

ORANJESTAD (AAN): E suplica di hopi hende aparentemente a bin ta hayando oido di Gobierno.  DIARIO a tuma nota cu Ministerio di Husticia a saca un anuncio pa Destaho Publico, cu e meta pa busca un acuerdo di Lease pa opera un Helicopter pa Polis na Aruba.

Gobierno ta busca forma pa lease un Helicopter, cu ta inclui e servicio di un piloto.   E proyecto tin como meta primordial pa duna servicio di Helicopter na Cuerpo Policial den cuadro pa combati criminalidad, mantenimento di orden publico, y den trabao di buskeda.

Ademas di yuda Cuerpo Policial, e destaho publico ta indica cu e Helicopter por wordo usa tambe pa transporte di hendenan gravemente herida rumbo pa Hospital, y tambe transporte for di lugarnan cu ta dificil pa yega na dje riba e isla, y tambe den search and rescue.

E biaha aki, Polis ta rekeri un Helicopter cu por lanta vuelo cu un maximum takeoff weight di 2.500 lbs., lugar pa minimo 3 hende sinta, cu por opera segun IFR (Instrument Flight Rules), y mester tin un spotlight potente di 25 million candlelight, y tambe un GPS.

Lo mas importante, ta cu Polis di Aruba awor ta pidi pa e Helicopter bin cu un sistema di FLIR Imaging System.

E sistema FLIR ta nifica “Forward-Looking Infrared”.  E camera no ta djis mira imagennan den scuridad total, sino e ta un camera ‘thermal’.  Pues e ta detecta e calor riba e curpa humano, riba auto, of hasta animalnan.

FLIR por wordo hasta usa den dia.  Si acaso un ladron bay sconde den un pida mondi, e camera FLIR por detecta e calor di e curpa humano facilmente mey-mey di tur e matanan y cadushinan cu tin.

E Helicopter anterior cu Aruba tabata dispone di dje, no tabatin e sistema FLIR.

DIARIO ta convenci cu un Helicopter cu sistema FLIR lo bay haci Aruba aun mas safe, y tambe lo yuda hopi den operacionnan di rescate rond di e isla.

E sistema di FLIR ta wordo instala, y ‘colga’ net pafo di e Helicopter, manera por mira riba e potret.

Algo cu DIARIO a sinti ta falta den e exigencianan tecnico, ta pa e Helicopter tin equipo necesario si acaso e ta wordo opera riba lama.  Pasobra pa haci esey, e Helicopter mester tin equipo adicional di seguridad pa asisti pasahero y tripulacion den caso cu algo bay malo riba lama.

En todo caso, Polis lo bay tene un anochi di informacion encuanto e destaho aki, cu lo ta riba Diabierna 7 di September 2018 pa 10’or di mainta na Warda di Polis Santa Cruz na Macuarima.

E Detaho Publico mes lo ta riba Dialuna 1 October 2018 pa 10:00 am.

- Advertisement -

DUNA COMENTARIO

Please enter your comment!
Please enter your name here